कुख्यात गुंडावरच उलटला डाव! डीजीपी नगरला गोळीबारात सराईत गुन्हेगार ठार

baba shekh.jpg
baba shekh.jpg

नाशिक : (नासिक रोड) सिन्नर फाटा येथील सराईत गुन्हेगार बाबा शेख याच्यावर शनिवारी (ता. 19) रात्री पावणेदहाच्या सुमारास गोळीबार करण्यात आला. त्यात तो गंभीर जखमी झाल्याने उपचारादरम्यानच त्याचा मृत्यू झाला. हल्लेखोर हे देखील सराईत गुन्हेगार असून त्यांना शोधण्यासाठी पोलिसांची पथके रवाना झालेली आहेत.

अशी आहे घटना

डीजीपी नगर येथील साई मंदिराजवळ शनिवारी (ता. 19) रात्री पावणेदहाच्या सुमारास कुख्यात गुन्हेगार असणारा बाबा शेख (रा. सिन्नर फाटा) याच्यावर मुर्गी राजा आणि टीप्या या सराईत गुन्हेगारांनी आणखी एका साथीदाराच्या मदतीने गावठी कट्टाने पाठीत गोळी मारली. यात कुख्यात गुन्हेगार बाबा शेख जखमी झाला. या अवस्थेत त्याने फोन करून नासिक रोड येथील आपल्या नातेवाईकाला माहिती देऊन बोलावून घेतले. नातेवाईक आल्यानंतर पोलिसांचे पथक त्या ठिकाणी दाखल झाले. बाबा शेखला एका खाजगी रुग्णालयात नेण्यात आले. रात्री साडेअकराच्या सुमारास उपचार सुरू असताना त्याचा मृत्यू झाला. दरम्यान गोळी मारल्यानंतर बाबा शेखने नातेवाईकांना हल्लेखोरांची नावे सांगितलेली असून उपनगरचे पथक आणि गुन्हे शाखेची विविध पथके हल्लेखोरांच्या शोधार्थ रवाना झालेली आहेत. 

घटना समजताच पोलिस उपायुक्त विजय खरात तसेच वरिष्ठ अधिकारी घटनास्थळी दाखल झाले. पहाटे पाच वाजेपर्यंत घटनेचा तपास युद्धपातळीवर सुरू होता. संशयित लवकरच सापडतील असा विश्वास उपनगर पोलीस स्टेशनचे पोलीस निरीक्षक सुनील रोहोकले यांनी व्यक्त केला आहे. हल्ला झालेला गुन्हेगार हा कुख्यात गुन्हेगार असून त्याच्यावर एनपीडीए, तडीपारीसह अनेक गंभीर स्वरूपाचे गुन्हे दाखल आहेत.

संपादन - किशोरी वाघ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com