नाशिक : संपत्ती आपल्याला एकट्याला मिळावी म्हणून कधीकधी असे डाव आखले जातात की मृत व्यक्तींना सुध्दा कागदोपत्री जिवंत केले जाते. असाच एक डाव आखण्यात आला. काय होता तो प्रकार वाचा...
असा घडला प्रकार
दुय्यम निबंधक पिरजादे यांच्या तक्रारीनुसार प्रफुल कैलास आहेर (रा. पंचवटी) याने २० डिसेंबर २०१८ ला पिनॅकल मॉल येथील दुय्यम निबंधक वर्ग २ या कार्यालयात २१ फेब्रुवारी २००४ ला मृत झालेले भाईदास भारोटे या व्यक्तीच्या नावाने चक्क बनावट व्यक्ती उभा केला. आणि म्हसरुळ (ता.जि.नाशिक) येथील प्लॉटपैकी १६२.७५ चौरस मीटर मिळकतीचे खोटे कागदपत्र बनविले. मृत व्यक्तीच्या नावाने बनावट कागदपत्रे बनविले तसेच शासनाची फसवणूक केल्याप्रकरणी प्रफुल आहेर विरोधात गुन्हा दाखल करण्यात आला आहे.
मुंबई नाका पोलीस ठाण्यात गुन्हा दाखल
मृत व्यक्तीच्या नावे बनावट व्यक्ती उभा करुन सहनिबंधक कार्यालयात जमिनीचे दस्त व नोंदणीतून फसवणूकीचा प्रकार उजेडात आला आहे. याप्रकरणी नाशिकचे सह दुय्यम निबंधक अन्वर शेखलाल पिरजादे (वय ५४, दुय्यम निबंधक) यांच्या फिर्यादीवरुन मुंबई नाका पोलीस ठाण्यात गुन्हा दाखल झाला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.