धरणावर बिनधास्त पर्यटकांची गर्दी; सेल्फीसाठी अतिउत्साही घालतायत जीव धोक्यात

नाशिक/गिरणारे : लॉकडाउनमुळे पर्यटनावर अनेक प्रतिबंध असले तरी, धरणाच्या धोकादायक ठिकाणी मात्र खुलेआम पर्यटन सुरु आहे. गंगापूर, कश्यपी धरणांचे किनारे सातत्याने पर्यटकांच्या गर्दीत हरवलेले असतात. अति उत्साही पर्यटकांकडून अनेकदा घोकेदायक ठिकाणी सेल्फीसाठी जीव धोक्यात टाकतात.

धरणावर फिरायला गेलेल्या पर्यटकांबाबत अनेकदा दुर्दैवी घटनाही घडल्या आहेत. सध्या कोरोनाच्या काळातही अतिउत्साही पर्यटकांची धरणांच्या काठावर गर्दीच वाढली आहे. धरणांच्या काठावर लावलेले सुरक्षित पर्यटनाचे फलकांची टवाळखोरांनी मोडतोड केली आहे. बेशिस्त पर्यटकांना रोखण्यासाठी ग्रामीण पर्यटन पोलीस यंत्रणाही कुठं दिसत नसल्याने पर्यटकांकडून शिस्त मोडण्याचे प्रकार घडत असल्याचे नागरिकांनी सांगितले.

हेही वाचा > धक्कादायक! रक्षकच जेव्हा भक्षक बनतो तेव्हा; पोलिस पतीसह पाच जणांकडून पत्नीचा छळ

गंगापूर व कश्यपी धरणांच्या काठावर जाणे व असुरक्षित ठिकाणी बिनधास्त मौजमजा करणाऱ्या शहरातील कित्येकांना आपला जीव ही गमवावा लागला आहे,सेल्फी काढतांना भान विसरून पाय घसरून अचानक खोल पाण्यात बुडल्याने कित्येकांचे जीव गेले आहेत. धरण क्षेत्रात दारूच्या कचरा बाटल्या प्लास्टिक कचऱ्याला अटकाव करणारी कुठलीही यंत्रणा नाही. - ॲड प्रभाकर वायचळे (सामाजिक कार्यकर्ता)

हेही वाचा > ह्रदयद्रावक! अखेरच्या क्षणीही मैत्रीचा घट्ट हात कायम; जीवलग मित्रांच्या एकत्रच निघाल्या अंत्ययात्रा