आयटीआय प्रवेश अर्जाच्‍या दुरूस्‍तीसाठी रविवारपर्यंत मुदत

iti.jpg
iti.jpg

नाशिक : औद्योगिक प्रशिक्षण संस्‍था (आयटीआय) च्‍या प्रवेशाची प्रक्रिया सध्या सुरू आहे. याअंतर्गत अर्ज दाखल केलेल्‍या विद्यार्थ्यांना अर्ज दुरूस्‍तीकरीता रविवार (ता.२७) पर्यंत मुदत असणार आहे. दुसऱ्या फेरीची प्रक्रिया स्‍थगित करण्यात आल्‍यानंतर सुधारीत वेळापत्रक लवकरच जारी केले जाणार असल्‍याचेही व्यवसाय शिक्षण व प्रशिक्षण संचालनालयातर्फे स्‍पष्ट केले आहे. 

आयटीआय प्रवेशासाठी पहिली फेरी पूर्ण झालेली आहे. या फेरीत प्रवेश निश्‍चित केलेल्‍या विद्यार्थ्यांना अर्ज दुरूस्‍ती करता येणार नाही. पुढील प्रवेश प्रक्रियेत सहभागी असलेल्‍या सर्व विद्यार्थ्यांना अर्जात दुरूस्‍ती करण्याची संधी दिलेली आहे. याअंतर्गत गेल्‍या १७ सप्‍टेंबरपासून अर्ज दुरूस्‍तीची प्रक्रिया सुरू झालेली आहे. तर येत्‍या रविवार (ता.२७) सायंकाळी पाचपर्यंत इच्‍छुक विद्यार्थ्यांना आपल्‍या अर्जात दुरूस्‍ती करता येतील. यात प्रामुख्याने प्राधान्‍य बदलण्याचा पर्याय उपलब्‍ध असेल. काही अडचणी उद्भवल्‍यास सहाय्यता क्रमांकावर संपर्क साधण्याचे आवाहन संचालनालयातर्फे केले आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com