नितीन गडकरी म्हणाले, ''येत्‍या पाच वर्षांत 2 कोटी महिला उद्योजिका घडवायच्‍या आहेत''

नाशिक : आगामी काळात जीडीपीच्‍या चाळीस टक्‍के वाटा या क्षेत्राचा करताना एकूण निर्याती साठ टक्क्‍यांपर्यंत नेण्याचे उद्दिष्ट आहे. त्‍याकरिता महिलांचे पाठबळ लागणार आहे. सध्या सुमारे ८० लाख महिला उद्योजिका योगदान देत असून, येत्‍या पाच वर्षांत दोन कोटी महिला उद्योजिका घडवायच्‍या आहेत. त्‍याकरिता स्‍वयंशक्‍तीसारख्या संस्‍थांनी महिलांना कौशल्‍याधिष्ठित प्रशिक्षण द्यावे, असे आवाहन केंद्रीय मंत्री नितीन गडकरी यांनी केले. 

येत्‍या पाच वर्षांत दोन कोटी महिला उद्योजिका घडवायच्‍या...

ग्रामीण, दुर्गम भागात अतिशय सुबक कला आहेत; परंतु त्‍यांना हवे तसे व्‍यासपीठ उपलब्‍ध होत नाही. सध्या राष्ट्रीय सकल उत्‍पन्न (जीडीपी) मध्ये लघु-सूक्ष्म उद्योगांचे योगदान तीस टक्‍के असून, एकूण निर्यातीत ४८ टक्‍के वाटा आहे. येत्‍या पाच वर्षांत दोन कोटी महिला उद्योजिका घडवायच्‍या आहेत. त्‍याकरिता स्‍वयंशक्‍तीसारख्या संस्‍थांनी महिलांना कौशल्‍याधिष्ठित प्रशिक्षण द्यावे, असे केंद्रीय मंत्री नितीन गडकरी म्हणाले. स्‍वयंशक्‍ती या संस्‍थेतर्फे स्त्री उद्यमी फाउंडेशनच्‍या सहकार्याने झालेल्‍या ऑनलाइन वेबिनारमध्ये ते बोलत होते. स्‍वयंशक्‍तीच्‍या संस्‍थापिका प्रा. दीपाली चांडक, उपाध्यक्षा स्‍वाती शाह, शीतल देसाई आदी सहभागी झाले होते. 

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

स्‍थानिक उत्‍पादने बाजारपेठांमध्ये स्‍पर्धा करू शकतील

गडकरी म्‍हणाले, की निर्यात वाढविताना आयात घटविण्यावर लक्ष केंद्रित केलेले आहे. व्‍हिलेज इंडस्‍ट्री या ग्रामीण भागातील क्षेत्रात मोठी उलाढाल असून, येथे प्रामुख्याने महिलावर्गाने लावलेल्‍या हातभारातून छोट्या स्‍वरूपाचे उद्योग उभे राहिलेले आहेत. या घटकांच्‍या विकासासाठी कौशल्‍य विकासावर भर दिला जात असून, चांगल्‍या यशोगाथा आगामी काळात निश्‍चित समोर येतील. दळणवळणासाठी जलमार्गाच्‍या वापरावर भर देण्याची आवश्‍यकता व्‍यक्‍त करताना, या माध्यमातून वाहतुकीवरील खर्च कमी होऊन उत्‍पादनाच्‍या दरांमध्ये घट होईल व स्‍थानिक उत्‍पादने शहरांतील बाजारपेठांमध्ये स्‍पर्धा करू शकतील, असा विश्र्वास त्‍यांनी व्‍यक्‍त केला.  

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला