दलाल, व्यापारी तुपाशी अन् शेतकरी मात्र उपाशी...'मिरची'चा ठसका शेतकऱ्यांला सोसेना!

chili.jpg
chili.jpg

नाशिक/देवळा : लाल व काळा मसाला करण्यासाठी लागणाऱ्या लाल मिरचीचे भाव कोरोनामुळे दुप्पट झाले आहेत, तर दुसरकीडे हिरवी मिरची मात्र शेतकऱ्याला पंधरा ते चाळीस रुपये प्रतिकिलो दराने विक्री करावी लागत आहे. यामुळे दलाल व व्यापारी तुपाशी असताना शेतकरी मात्र उपाशीच, अशी स्थिती मिरची उत्पादक शेतकऱ्यांची झाली आहे. 

जाड मिरचीला अत्यल्प भाव

सध्या हिरवी मिरची काढण्याची कामे जोरात सुरू आहेत. मात्र कोरोनाच्या भीतीपोटी मालेगाव, धुळे येथे मिरची विकायला जाता येत नसल्याने नाइलाजास्तव कमी भावात व्यापाऱ्यांना ती विकण्याची वेळ आली आहे. कोरोनामुळे शेतकरी बाहेरगावी शेतमाल विकण्यास घाबरत असल्याने त्याचा फायदा दलाल व व्यापारी घेत आहेत. दर वर्षी या दिवसात मिरचीला 50 ते 100 रुपये किलो असा भाव हमखास मिळतो. परंतु यंदा कोरोनामुळे बाजारपेठ उपलब्ध होत नसल्याने हिरवी मिरची प्रकारानुसार 15 ते 40 रुपये किलो या दराने विकावी लागत आहे, तर जाड मिरचीला अत्यल्प भाव असल्याने काही शेतकऱ्यांनी तोडणी अर्ध्यावर बंद केली आहे.

शेतकरी मात्र उपाशीच

झाडावरच मिरच्या पिकून लाल होऊ लागल्याने काही शेतकऱ्यांनी लाल मिरची तयार करण्याचा प्रयत्न चालवला आहे. मात्र त्यासाठी मेहनत व मजुरी वाढत आहे. शेतकऱ्यांकडील मिरचीची अशी अवस्था असताना मसाला व लोणचे तयार करण्यासाठी दुकानांमध्ये वाळलेली लाल मिरची 200 ते 300 रुपये प्रतिकिलो विकली जात आहे. यामुळे दलाल व व्यापारी तुपाशी असताना शेतकरी मात्र उपाशीच, अशी स्थिती मिरची उत्पादक शेतकऱ्यांची झाली आहे. 

भरउन्हात कष्ट करत मिरची पिकवली; परंतु आता मिरची विकावी कशी व कुठे, असा प्रश्‍न आहे. व्यापारी बांधावर खरेदी करताना कमी भावाने खरेदी करतात आणि याउलट दुकानात लाल मिरची घेताना चढ्या भावाने खरेदी करावी लागत आहे. - भास्कर रौंदळ, मिरची उत्पादक शेतकरी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com