VIDEO : सरसकट पंचनामे करून नुकसानभरपाई द्या; शेतकऱ्यांचे आमदार कोकाटे यांना साकडे

4manikrao_20kokate.jpg
4manikrao_20kokate.jpg

नाशिक : (खेडभैरव) इगतपुरी तालुक्यासह पूर्व भागातील खेड-टाकेत गटात करपा, मावा, तुडतुडा रोगाने भात पीक वाया गेलेले असतानाच परतीच्या पावसाने पिके अक्षरशः आडवी झाल्याने शेतकऱ्यांचे अतोनात नुकसान झाले आहे. त्यामुळे सरसकट पंचनामे करून तातडीने जास्तीत जास्त नुकसानभरपाई आणि सरसकट पीकविमा द्यावे, अशी मागणी शेतकऱ्यांनी आमदार कोकाटे यांच्याकडे केली. 

आमदार कोकाटे यांच्याकडे शेतकऱ्यांची मागणी 

शासनाकडे आपण पत्रव्यवहार केला असून, शेतकऱ्यांना जास्तीत जास्त भरपाई व विमा कंपन्यांकडून विमे मिळविण्यासाठी पाठपुरावा करू, अशी ग्वाही आमदार कोकाटे यांनी दिली. आमदार कोकाटे यांनी पिंपळगाव मोर, धामणी, धामणगाव, खेड, परदेशवाडी, इंदोरे, वासाळी, बारशिंगवे, शिरेवाडी, टाकेद, अडसरे, भरवीर आदी भागात शनिवारी (ता. २४) नुकसानीची पाहणी केली. नायब तहसीलदार प्रवीण गोंडाळे, तालुका कृषी अधिकारी शीतलकुमार तंवर, सर्व मंडळ अधिकारी, सरपंच, ग्रामसेवक, तलाठी, कृषी अधिकारी, राष्ट्रवादी तालुकाध्यक्ष बाळासाहेब गाढवे, पांडुरंग वारुंगसे, महेश गाढवे, पंढरीनाथ बऱ्हे आदी उपस्थित होते. 

वादळी वाऱ्यासह पाऊस झाल्याने शेतकऱ्यांचे पूर्णतः नुकसान झाले असून, पंचनामे सुरू आहेत. शेतकऱ्यांना जास्तीत जास्त नुकसानभरपाई आणि पीकविमे मिळण्यासाठी शासनाकडे पाठपुरावा करणार आहे. - माणिकराव कोकाटे, आमदार  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com