नाशिक : जिल्ह्यातील कोरोना संसर्गाचा वाढता प्रादुर्भाव रोखण्यासाठी जिल्हा प्रशासनातर्फे उपाययोजना करण्यात येत आहेत. तसेच आरोग्य सुविधांचे बळकटीकरण करण्यासाठी शासन निर्देशानुसार २०२०-२१ वर्षासाठी विविध योजनांच्या माध्यमातून ३५ कोटी ५३ लाख रुपयांचा निधी उपलब्ध करून देण्यात आला आहे. पालकमंत्री छगन भुजबळ यांनी ही माहिती दिली.
भुजबळ म्हणाले, की जिल्हा वार्षिक सर्वसाधारण योजनेंतर्गत २०२०-२१ साठी पुनर्विनियोजनातून २८ कोटी ३५ लाख रुपयांचा निधी उपलब्ध करून देण्यात आला आहे. त्याअनुषंगाने आमदार स्थानिक क्षेत्र विकास कार्यक्रमातून पाच कोटी १७ लाख, खासदार स्थानिक क्षेत्र विकास कार्यक्रमातून एक कोटी आणि जिल्हा वार्षिक आदिवासी उपयोजनांतर्गत सरकारकडून दहा टक्के प्राप्त निधीपैकी २२ लाख ९४ रुपयांचा निधी कोरोनाचा प्रादुर्भाव रोखण्यासाठी कार्यान्वित यंत्रणांना उपलब्ध करून देण्यात आला आहे.
३६ कोटी ११ लाख निधी उपलब्ध
आरोग्य विभागास यापूर्वी मूळ तरतुदीनुसार पाच कोटी ६५ लाख आणि पुनर्विनियोजनातून २८ कोटी ३५ लाख असा एकूण ३४ कोटी ८६ लाख रुपयांचा निधी उपलब्ध करून देण्यात आला आहे. यापुढील काळातील कोरोना संसर्गाच्या प्रादुर्भावावर नियंत्रण मिळवण्यासाठी ३६ कोटी ११ लाख रुपयांचा निधी उपलब्ध आहे. आरोग्य सुविधा पुरविणाऱ्या कार्यान्वित यंत्रणांतर्फे जिल्हास्तरीय समितीच्या मान्यतेने संबंधित यंत्रणांकडून निधी मागणीचे प्रस्ताव प्राप्त झाल्यास संबंधित यंत्रणांना निधी उपलब्ध करून देण्यात येईल, असेही भुजबळ यांनी सांगीतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.