ग्रामपंचायत निवडणूक : जिल्ह्यातील ६२१ ग्रामपंचायतींसाठी २ दिवसांमध्ये ११७ अर्ज दाखल 

महेंद्र महाजन
Thursday, 24 December 2020

जिल्ह्यातील ६२१ ग्रामपंचायतींच्या सार्वत्रिक निवडणुकीची प्रक्रिया सुरू झाली आहे. बुधवारपासून (ता. २३) उमेदवारी अर्ज दाखल करण्यास प्रारंभ झाला असून पहिल्या दिवशी दिंडोरी तालुक्यातील ६० ग्रामपंचायतींसाठी आणि कळवण तालुक्यातील २९ ग्रामपंचायतींसाठी प्रत्येकी एक अर्ज दाखल झाला.

नाशिक : जिल्ह्यातील ६२१ ग्रामपंचायतींच्या सार्वत्रिक निवडणुकीची प्रक्रिया सुरू झाली आहे. बुधवारपासून (ता. २३) उमेदवारी अर्ज दाखल करण्यास प्रारंभ झाला असून पहिल्या दिवशी दिंडोरी तालुक्यातील ६० ग्रामपंचायतींसाठी आणि कळवण तालुक्यातील २९ ग्रामपंचायतींसाठी प्रत्येकी एक अर्ज दाखल झाला. आजच्या दुसऱ्या दिवसाअखेर ११७ उमेदवारी अर्ज दाखल झाले आहेत. ३० डिसेंबरपर्यंत उमेदवारी अर्ज दाखल करता येतील.

गावोगाव राजकीय फड रंगला  

ग्रामपंचायतींच्या निवडणुकीसाठी राजकीय खलबते थांबण्याचे नाव घेत नसल्याने उमेदवारी अर्ज दाखल करण्याच्या प्रक्रियेला वेग येऊ शकला नाही. आरक्षणनिहाय उमेदवार आणि त्यातही ‘इलेक्टिव्ह मेरीट’ अंतर्गत सामाजिक- राजकीय स्थिती अजमावण्याबरोबर प्रतिस्पर्धी पॅनलमधून कोण उमेदवार असतील याचा अंदाज बांधत सध्यस्थितीत गावोगाव राजकीय फड रंगला आहे. अशातच, आता शुक्रवारी (ता.२५) नाताळ, शनिवार (ता. २६) आणि रविवार (ता. २७) अशी सलग तीन दिवस सुटी असल्याने स्थानिक नेतृत्वाने ‘ताक फुंकून पिण्यास' सुरवात केली आहे. गावगाड्याच्या राजकारणावर पंचायत समिती, जिल्हा परिषद, विधानसभा आणि लोकसभा निवडणुकीचे राजकीय अवलंबून असल्याने सगळ्याच राजकीय पक्षांच्या स्थानिक नेत्यांनी ग्रामपंचायतीची निवडणूक प्रतिष्ठेचा मुद्दा केला आहे. 

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

तालुकानिहाय दाखल अर्जांची संख्या 

तालुकानिहाय निवडणूक होत असलेल्या ग्रामपंचायतींची संख्या पुढीलप्रमाणे असून (कंसात दोन दिवसांमध्ये दाखल झालेल्या उमेदवार अर्जांची संख्या दर्शवते) : नाशिक- २५ (२), त्र्यंबकेश्‍वर- ३ (०), दिंडोरी- ६० (८), इगतपुरी- ८ (१५), निफाड- ६५ (११), सिन्नर-१०० (२), येवला- ६९ (१६), मालेगाव- ९९ (१४), नांदगाव- ५९ (३), चांदवड- ५३ (०), कळवण- २९ (३९), बागलाण- ४० (६), देवळा- ११ (१). 
 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: gram panchayat election 117 applications filed in 2 days in the district nashik marathi news