धक्कादायक! "आई हरविली माझी"...अन् सापडली चक्क गोणीत..

senior citizen death body.jpg
senior citizen death body.jpg

नाशिक : जेल रोड येथील दुर्गामंदिर परिसरात दहा दिवसांपासून बेपत्ता असलेल्या 62 वर्षांच्या महिलेचा खून झाल्याची घटना उघड झाली. या महिलेचा मृतदेह खुल्या भूखंडावर पोत्यात ठेवला होता. याप्रकरणी उपनगर पोलिसांत खुनाचा गुन्हा दाखल झाला आहे. 

असा घडला धक्कादायक प्रकार...

महिलेचा मुलगा सचिन वसंतराव पाटील (वय 34, दुर्गामाता मंदिरासमोर, जेल रोड) यांच्या तक्रारीनुसार, 1 फेब्रुवारीला सकाळी आठच्या सुमारास सचिन पाटील यांची 62 वर्षांची आई मंदाकिनी पाटील (मेधने) या ब्लाउजपीस घेण्यासाठी नाशिक रोड येथे जाऊन येते, असे सांगून गेल्या त्या पुन्हा आल्याच नाही. कुटुंबीयांनी त्यांचा शोध घेतला; मात्र त्या आढळल्या नाही. त्यामुळे कुटुंबीयांनी रात्री अकराच्या सुमारास उपनगर पोलिसांत आई हरविल्याची तक्रार दिली. पोलिसांनी बेपत्ताची नोंद करून घेतली. मंगळवारी (ता. 11) सकाळी साडेआठच्या सुमारास पाटील यांच्या घरासमोरील दुर्गामाता मंदिराजवळील धनराजनगरमधील भूखंडातून दुर्गंधी येत असल्याचे नागरिकांनी सांगितले. सचिन पाटील हे भाऊ संदीपसह तेथे गेले असता, बारदानाची गोणी पडलेली दिसली. त्यातूनच दुर्गंधी येत होती.

उपनगर पोलिसांत गुन्हा; दहा दिवसांपासून बेपत्ता 

नागरिकांनी पोलिसांना माहिती दिली. पोलिस ही गोणी जिल्हा रुग्णालयात घेऊन गेले. डॉक्‍टरांनी गोणीचे तोंड उघडले असता, त्यात महिलेचा मृतदेह आढळला. पाटील कुटुंबीयांनी मृतदेहावरील साडी, सोन्याच्या बांगड्या व कर्णफुले पाहून हा मृतदेह मंदाकिनी पाटील यांचाच असल्याचे सांगितले. उपनगर पोलिस ठाण्याचे वरिष्ठ निरीक्षक सुनील रोहोकले यांच्या मार्गदर्शनाखाली उत्तरीय तपासणी करण्यात आली. पोलिसांनी खुनाचा गुन्हा दाखल केला असून, तपास सुरू केला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com