भावली धरणातून शहापूरला पाणी देण्यास आमदारांचा विरोध...कारण..

hiraman khoskar.jpg
hiraman khoskar.jpg

नाशिक : (इगतपुरी) भावली धरणातून शहापूरला पाणी देण्यास आमदार हिरामण खोसकर यांनी विरोध दर्शविला. मुंबईत मंत्रालयात जलसंपदामंत्री जयंत पाटील यांच्या अध्यक्षतेखाली गुरुवारी (ता. ३०) विभागीय सचिव यांच्या प्रमुख उपस्थितीत बैठक होऊन तालुक्यात पावसाचे प्रमाण घटले असून, उन्हाळ्यात तालुक्यातच पाण्याची टंचाई जाणवण्याची शक्यता आहे. त्यामुळे शहापूरला भावली धरणातून पाणी देण्यास विरोध नोंदविला.

जमिनी मूळमालकांना परत देण्याचे आदेश

जलसंपदामंत्री जयंत पाटील यांनी २५ जुलैला तालुक्यातील वैतरणा व भावली धरणाला भेट देऊन पाहणी केली होती. स्थानिक प्रकल्पग्रस्तांसोबत चर्चा केली होती. वैतरणा धरणातील अतिरिक्त ओव्हरफ्लोचे पाणी मुकणे धरणात टाकण्याबाबत प्रस्ताव दिला. तसेच नदीजोड प्रकल्पाबाबतचे धोरण याबाबत खासदार हेमंत गोडसे, आमदार हिरामण खोसकर, माजी खासदार समीर भुजबळ यांनी श्री. पाटील यांच्यासोबत चर्चा केली होती. या अनुषंगाने सर्व विभागीय सचिव अर्थ व महसूल विभागाची संयुक्त बैठक जयंत पाटील यांच्या अध्यक्षतेखाली घेण्यात आली. मंत्रालयात १९७९ मध्ये झालेल्या बैठकीत वैतरणा धरणातील अतिरिक्त जमिनी मूळमालकांना परत देण्याचे आदेश तत्कालीन जिल्हाधिकाऱ्यांना देण्यात आले होते. 

शेतकऱ्यांच्या आशा पल्लवित 

मात्र हा प्रश्न अद्यापही प्रलंबित राहिल्याने या बैठकीत वैतरणा धरणाच्या लाभक्षेत्राबाहेरील संपादित जमिनी मूळमालक शेतकऱ्यांना परत देण्याचा शासनाचा विचार असल्याने शेतकऱ्यांच्या आशा पल्लवित झाल्या आहेत. दरम्यान, या बैठकीत शहापूरला पाणी देण्यास मात्र स्थानिक आमदार खोसकर यांनी विरोध केला. खासदार हेमंत गोडसे, आमदार हिरामण खोसकर, घोटी कृषी ऊत्पन्न बाजार समितीचे उपसभापती गोरख बोडके, तालुका खरेदी-विक्री संघाचे अध्यक्ष ज्ञानेश्वर लहाणे, माजी जिल्हा परिषद सदस्य जनार्दन माळी, संदीप गुळवे, गोकुळ थेटे, शेतकऱ्यांच्या वतीने माजी सरपंच पांडुरंग खातळे, रामदास जमधडे, मिलिंद कुकडे, गोविंद जमदडे, नंदू जमदडे आदी उपस्थित होते. 

संपादन - किशोरी वाघ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com