पीएम किसान सन्मान योजना : तब्बल दहा हजार शेतकऱ्यांना नोटिसा

नाशिक : पंतप्रधान किसान सन्मान योजनेला दोन वर्षे पूर्ण होत आहेत, या पार्श्वभूमीवर केंद्र सरकारने या योजनेचे ऑडिट केले. त्यात आर्थिक स्थिती चांगली असतानाही योजनेचा काही शेतकरी लाभ घेत असल्याचे प्रशासनाच्या निदर्शनास आले. नाशिक जिल्ह्यातील अशा १० हजार ३०० शेतकऱ्यांची यादी प्राप्त झाली असून त्यांना नोटिसा पाठविण्यात आल्याचे निवासी उपजिल्हाधिकारी भागवत डोईफोडे यांनी सांगितले.

शेतकऱ्यांच्या खात्यात वर्षाला सहा हजार​

पंतप्रधान मोदी यांनी अल्पभूधारक शेतकऱ्यांसाठी पंतप्रधान किसान सन्मान योजना सुरू केली आहे. या योजनेंतर्गत दोन एकर किंवा त्याहून कमी जमीन असणाऱ्या शेतकऱ्यांच्या खात्यात वर्षाला सहा हजार रुपयांचे अनुदान तीन टप्प्यात जमा केले जाते. गत निवडणुकीत सत्तेवर आल्यानंतर मोदी यांनी अल्पभूधारक ही अट शिथिल केली. सरसकट शेतकऱ्यांना हे अनुदान दिले जाऊ लागले.

हेही वाचा > भररस्त्यात थरार! गळ्याला लावली तलवार आणि घेतले पाच लाख; नागरिकांत दहशत

केंद्र सरकारने केले योजनेचे ऑडिट

त्यासाठी बँक खाते, आधारकार्ड, पॅनकार्ड लिंक करण्यात आले. आर्थिक परिस्थिती चांगली असलेल्या व प्राप्तिकर भरत असलेल्या शेतकऱ्यांना या योजनेतून वगळण्यात आले होते. या योजनेला दोन वर्षे पूर्ण होत असून, केंद्र सरकारने या योजनेचे ऑडिट केले. त्यात प्राप्तिकर भरणारे शेतकरीदेखील या योजनेचे अनुदान घेत असल्याचे समोर आले. त्यानंतर केंद्र सरकारने अशा लाभ घेणाऱ्या देशभरातील शेतकऱ्यांची यादी स्थानिक प्रशासनांना पाठवली. नाशिक जिल्ह्यातील अशा १० हजार ३०० शेतकऱ्यांची यादी प्राप्त झाली होती. त्यांना नोटिसा पाठविण्यात आल्याचे भागवत डोईफोडे, निवासी उपजिल्हाधिकारी यांनी सांगितले.

हेही वाचा > दुर्दैवी! शेतातील ती भातकापणी ठरली शेवटची; तरुण शेतकरीच्या बातमीने गाव हळहळले

१० हजार ३०० शेतकऱ्यांना नोटीस

आर्थिक स्थिती चांगली असतानाही पंतप्रधान किसान सन्मान योजनेचा काही शेतकरी लाभ घेत असल्याचे प्रशासनाच्या निदर्शनास आले आहे. अनुदानाचा लाभ घेतल्याप्रकरणी जिल्ह्यातील १० हजार ३०० शेतकऱ्यांना जिल्हा प्रशासनाने नोटिसा पाठविल्या आहेत. हे सर्व शेतकरी प्राप्तिकर भरत असल्याचे निदर्शनास आल्याची माहिती निवासी उपजिल्हाधिकारी यांनी दिली.