VIDEO :ह्रदयद्रावक! साथीदाराचा विरह सहन होईना; मोराच्या विरहात लांडोरचा आकांत..प्रेमकथा वाचाच!

नाशिक / निफाड : आपल्या अपघातग्रस्त जोडीदाराच्या विरहाचा आकांत हा ज्याच्या त्याच्या करिता आयुष्यातील वाईट क्षण असतो. माणसाप्रमाणे प्राण्यांमध्ये देखील प्रेमाचे नाते असते. कारण असाच काहीसा प्रकार निफाड तालुक्यात घडला आहे. येथे मोराच्या विरहात लांडोरीचा अकांत सुरू आहे. एका मोराची व्यथा व लांडोरीची प्रेमकथा ऐकून नक्कीच सर्व जण हळहळ व्यक्त करतील.

जोडीदाराचा विरह सहन होईना!

निफाड-सिन्नर तालुक्याच्या सरहद्दीवर असलेले सावळी (ता. निफाड) गाव आहे. या गावात मोठ्या संख्येने मोरांचा मुक्त संचार असतो. २७ जुलैला सायखेडा-सिन्नर रस्त्यालगत एका शेतात मोर उडत असताना त्याचा पाय झाडाच्या फांद्यात अडकला. या वेळी यातून स्वत:ची सुटका करत असताना मोराचा पाय मांडीमध्ये मोडला गेला. त्यामुळे तो जागेवरच कोसळला. या वेळी मोराबरोबर लांडोरीदेखील होती. ती मोराच्या अवतीभवती फिरून मोराला उडण्याचे बळ देत होती. मोराला उडणे शक्य होत नव्हते. पुढे..

पक्षीमित्राने पाहिला प्रकार

हा सर्व प्रकार रस्त्याने जात असलेले संजीव गिरी या पक्षीमित्राने पाहिला. त्यांनी तत्काळ जखमी मोराला घरी आणून अन्न, पाणी दिले. वन विभागाला याबाबत माहिती दिल्यानंतर वन विभागाने जखमी मोराला उपचाराकरिता नाशिकला आणले. पशुवैद्यकीय अधिकाऱ्यांनी मोराच्या पायाची तपासणी करत मोडलेल्या पायाला प्लॅस्टर करत निफाड येथील वन विभागाच्या ताब्यात दिले.
आता मोराची प्रकृती सुधारत आहे. हा मोर लवरकच बरा झाल्यानंतर त्याला अधिवासात सोडून देण्यात येणार आहे.

लांडोर व्याकूळ
दरम्यान, गेली पंधरा दिवसांपासून आपल्या जोडीदाराच्या विरहाने व्याकूळ झालेली लांडोर सध्या संजीव गिरी यांच्या घराजवळच बस्तान मांडून बसली आहे. दररोज लांडोर मोराला ज्या घरामध्ये ठेवले होते त्या घरात जाऊन आपला जोडीदार आला आहे का हे पाहत आहे. मात्र मोर दिसत नसल्याने त्याच्या आठवणीने जोरात आवाज काढून आपल्या भावना प्रकट करत आहे.

हेही वाचा > "कृष्णाचा जन्म जेलमध्ये झाला तेव्हा तुला जेलबाहेर पडायचंय?" सरन्यायाधीश बोबडेंचा आरोपीला प्रश्न; कोर्टात मजेशीर वातावरण

प्रेमात व्याकूळ लांडोर घरावर, अंगणात आवाज देतेय 

"मोर जखमी अवस्थेत असताना संजीव गिरी यांनी मोरावर अन्नपाणी देत घरगुती औषधोपचार केले. यासाठी त्यांनी रात्रभर जखमी मोर घरात ठेवला होता. या मोराच्या पाठीमागे लांडोर आली आहे. मोराला शोधण्यासाठी त्याच्या प्रेमात व्याकूळ लांडोर घरावर, अंगणात आवाज देत फेटका मारत आहे. सध्या त्याच्यावर निफाड येथे उपचार सुरू आहेत. तो बरा झाल्यानंतर त्याला त्याच्या अधिवासात सोडले जाणार आहे".-संजय भंडारी, वनपरिक्षेत्र अधिकारी

 

"उपचारानंतर जखमी मोराच्या प्रकृतीची काळजी निफाड येथील रोपवाटिकेत वनकर्मचाऱ्यांच्या देखरेखीखाली घेतली जात आहे. लवकरच मोर बरा झाल्याननंतर लांडोरीसोबत अधिवासात एकत्र सोडले जाईल. तोपर्यंत मोराच्या प्रेमात व्याकूळ असलेल्या लांडोरीला काही दिवस मोराला बरे होण्यासाठी वाट पाहावी लागणार आहे."-संजीव गिरी, बेरवाडी

हेही वाचा > क्रूर नियती! "बाबा..तुमच्या दशक्रियेला नाही येऊ शकले..म्हणून तुमच्याकडेच आले" वडिलांमागे लेकीचीही अंत्ययात्रा

संपादन - ज्योती देवरे