नाशिकच्या सायलीची ऐतिहासिक कामगिरी; राष्ट्रीय टेबल टेनिस स्‍पर्धेत पटकावले सुवर्ण 

 Sayali wani won gold in the National Table Tennis Championship Nashik Sport News
Sayali wani won gold in the National Table Tennis Championship Nashik Sport News

नाशिक : इंदूर (मध्य प्रदेश) येथे सुरू असलेल्या राष्ट्रीय टेबल टेनिस स्पर्धेत महाराष्ट्राचे प्रतिनिधित्व करताना नाशिकच्या खेळाडूंनी दमदार कामगिरी केली. सायली वाणी हिने उत्‍कृष्ट कामगिरी करताना मुलींमध्ये सबज्‍युनिअर गटात अजिंक्‍यपदासह सुवर्णपदक पटकावले. या कामगिरीसोबतच सायलीने नाशिकच्या टेबल टेनिसच्या इतिहासात नवीन इतिहास रचला आहे.

नाशिकच्‍या तनिषा कोटेचा हिनेदेखील स्‍पर्धेत कांस्‍यपदक पटकावले आहे. 
बिगर मानांकित सायली वाणी हिने प्राथमिक फेरीतील आपले सर्व सामने जिंकून मुख्य फेरीत प्रवेश मिळविला. उपांत्य पूर्व फेरीत तिने उत्तर प्रदेशच्या भारती वर्तिका हिचा ४-१ ने पराभव करत खळबळ माजवली. उपांत्य फेरीत द्वितीय मानांकित महाराष्ट्राच्या पृथा वरतीकर हिचा ४-० ने एकतर्फी पराभव करत अंतिम फेरीत धडक मारली. अंतिम फेरीमध्येही साजेशी कामगिरी करताना हरियानाचा प्रथम मानांकित सुहाना सैनी हिचा ४-३ ने रोमहर्षक लढतीती पराभव करून अजिंक्यपद पटकाविले. सायली वाणी ही प्रशिक्षक जय मोडक यांच्या मार्गदर्शनाखाली नियमितपणे सराव करते. 

नाशिकच्या तनिषा कोटेचा हिनेदेखील उत्‍कृष्ट कामगिरी करत मुलींमध्ये सबज्युनिअर गटात कांस्यपदक पटकावले. तनिषाने उपांत्य फेरीत खेळण्याआधी उपांत्यपूर्व फेरीत पाचव्या मानांकित काशवी गुप्ता हिचा ४-० ने सहजरीत्या पराभव करत उपांत्य फेरीत प्रवेश मिळविला. परंतु उपांत्य फेरीत हरियानाचा प्रथम मानांकित सुहाना सैनी हिच्याकडून अटीतटीच्या लढतीत ४-३ ने पराभव स्वीकारावा लागला. यातून तिला स्‍पर्धेत कांस्य पदकावर समाधान मानावे लागले. 

सायली आणि तनिषाच्‍या कामगिरीबद्दल अर्जुन पुरस्कार राष्ट्रीय विजेता कमलेश मेहता, नाशिक जिल्हा टेबल टेनिस संघटनेचे अध्यक्ष नरेंद्र छाजेड, राज्य संघटनेचे राजीव बोडस, प्रकाश तुळपुळे, यतीन टिपणीस, संजय मोडक, संघटनेचे सचिव शेखर भंडारी, राजेश भरवीरकर, अभिषेक छाजेड आदींनी अभिनंदन केले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com