संत निवृत्तीनाथ महाराजांचेही भाडे आकारणाऱ्या एसटीला अखेर उपरती...परिवहन मंत्र्यांनी केला खुलासा!

नाशिक: सुमारे सव्वाशे वर्षापासून त्र्यंबकेश्वरहून पंढरपूरला पायी जाणारी पण यंदा कोरोना महामारीमुळे राज्य मार्ग परिवहन महामंडळाच्या एसटी बसने पंढरपूरला रवाना झालेल्या संतश्रेष्ठ निवृत्तीनाथांच्या वारीच्या भाड्यापोटी ७० हजार रुपये  भाडे आकारले होते. या सर्व प्रकारानंतर अखेर एसटी मंडळाने आपली चूक कबूल केली आहे.

७० हजार रुपये भाडे आकारले

चार दिवसांपूर्वीच प्रांताधिकारी तेजस चव्हाण यांच्या अध्यक्षतेखाली विविध विभागाची बैठक झाली.त्यानंतर विविध यंत्रणा कामाला लागल्या. एसटी महामंडळाने वारीच्या त्र्यंबकेश्वर ते पंढरपूर वारीसाठी शिवशाही बसची सोय केली. त्यापोटी ७० हजार रुपये भाडे आकारले विशेष म्हणजे निवृत्तीनाथ महाराज देवस्थानकडून ते स्विकारले.

...अन् परिवहन मंत्री अनिल परब यांनीच केला खुलासा

संत निवृत्तीनाथ महाराजांचेही भाडे आकारणाऱ्या एसटीला अखेर उपरती
नाथांची वारी आज जेव्हा त्र्यंबकेश्वर ते पंढरपूर प्रवास करुन पोहोचली तेव्हा राज्यात इतर कुठल्याच पालखीकडून एसटी महामंडळाने भाडे आकारले नसतांना राज्यातील मानांच्या पालख्यापैकी एक असलेल्या नाथांच्या पालखीकडून भाडे आकारले कसे हा प्रश्न उपस्थित झाला. हा प्रकार थेट परिवहन मंत्री यांच्या कानावर गेला अन भाडे परत करण्याचे आणि चौकशीचेही आदेश निघाले. त्यावर स्वत: परिवहन मंत्री अनिल परब यांनाच खुलासा करावा लागला. पालखीकडून भाडे आकारले हे चूकच असल्याची कबूली द्यावी लागली. तसेच हे भाडे कुणी आकारले याच्या चौकशीचे निर्देश देतांनाच, श्री परब यांनी एसटीचे आगारप्रमुख के. एल. पाटील यांना पाठवून सन्मानाने धनादेश परत केला.

हेही वाचा > "बा विठुराया..! चक्क निवृत्तीनाथ महाराजांनाही नाही सोडले.." एसटी महामंडळाचा चिंधीचोरपणा चव्हाट्यावर

चौकशी करणार
एसटी भाडे आकारणी स्थानीक पातळीवर परस्पर झालेली आहे. तशा कुठल्याही सूचना नव्हत्या. त्यामुळे वारीकडून भाडे कसे आकारले याची चौकशी करणार आहे. तसेच त्वरीत सन्मानाने भाडे परत करण्याचे निर्देश दिले आहे.-अनिल परब (परिवहन मंत्री) 

हेही वाचा > धक्कादायक खुलासा! महिन्याला दीडशे महिला अचानक होताएत बेपत्ता? काय आहे प्रकार?