मित्राचा फोन उचलला पोलीसांनी .. अन् बातमीने वडिलांच्या काळजाचा चुकला ठोका!

yeola acc 123.jpg
yeola acc 123.jpg

नाशिक / येवला : सिद्धार्थ पगारे हा मध्यरात्री कामावर असताना साडेबाराच्या सुमारास पंपावरून वडिलांना काही न सांगता निघून गेला. त्यानंतर रात्री दोनच्या सुमारास मुलाचा शोध घेताना वडिलांनी मोबाईलवर संपर्क केला. मात्र मोबाइल अपघातात तुटल्याने बंद येत होता. म्हणून त्याचा मित्राच्या मोबाईलवर संपर्क केला असता वडिलांना धक्काच बसला.

वडिलांचा मित्राला फोन अन्‌ मिळाली वाईट बातमी 

शहरातील एका पेट्रोलपंपावर वडिलांसह कामाला असलेला सिद्धार्थ अनिल पगारे (रा. मनमाड) हा सोमवारी (ता. 25) मध्यरात्री कामावर असताना साडेबाराच्या सुमारास पंपावरून वडिलांना काही न सांगता निघून गेला. त्यानंतर दोनच्या सुमारास मुलाचा शोध घेताना वडिलांनी मोबाईलवर संपर्क केला. मात्र मोबाइल अपघातात तुटल्याने बंद येत होता म्हणून त्याचा मित्र अनिकेत रत्नाकर उबाळे (रा. विठ्ठलनगर, येवला) याच्या मोबाईलवर संपर्क केला असता, संबंधित मोबाईल पोलिसांकडे होता. पोलिसांनी तिकडून अपघाताची माहिती देताच वडिलांना धक्काच बसला. 

ट्रक किंवा मोठ्या वाहनाने धडक दिल्याचा अंदाज

येवला येथील एका पेट्रोलपंपावर कामाला असलेला युवक मित्रासह मनमाडला घराच्या दिशेने निघाला खरा; पण सावरगावजवळ अज्ञात वाहनाने दिलेल्या धडकेत मित्रासह त्यालाही आपला जीव गमवावा लागला. मध्यरात्री घडलेल्या या घटनेने हळहळ व्यक्त होत आहे. येवला तालुक्‍यातील सावरगाव येथील शिंदे पेट्रोलपंपाजवळ अज्ञात वाहनाच्या धडकेत त्यांच्या स्कूटीला जोरदार टक्कर दिल्याने हा भीषण अपघात झाला. येथून मनमाड येथे जाताना हा अपघात झाला असून, या अपघातात अनिकेत उबाळे व सिद्धार्थ पगारे या दोन्ही तरुणांचा मृत्यू झाला. येवला ते मनमाडदरम्यान महामार्गालगत साईडपट्ट्या नसून मोठ्या कपारी तयार झाल्याने हा अपघात झाल्याचा अंदाज आहे. मध्यरात्री ट्रक किंवा मोठ्या वाहनाने धडक दिल्याचा अंदाज असून, पोलिस तपास करत आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com