लांडगा आला रे आला! आणि तो खरंच आला; हिसवळ परिसरात खळबळ

मनमाड (जि.नाशिक) : चौघेजण  शेतातून जात असताना झाडाझुडपांत तो लपून बसला होता. अचानक झालेल्या हल्ल्यामुळे हे चौघेही गांगरून गेले. त्यांनी आरडाओरडा केल्याने तो पळून गेला. आरडाओरडा ऐकू आल्याने लगतच्या काही तरुणांनी घटनास्थळी धाव घेतली. या घटनेमुळे हिसवळ परिसरात खळबळ उडाली असून, ग्रामस्थांमध्ये भीतीचे वातावरण आहे. काय घडले नेमके?

लांडगा आला रे आला! 

बिबटे, वाघ यांनी मनुष्यावर हल्ले केल्याचे ऐकिवात आहे. मात्र सहसा नजरेलाही न दिसणारे लांडगे हल्ला करतील, अशी शंकाही येणार नाही. मात्र ही गोष्ट खरी असून, मनमाडपासून जवळच हिसवळ बुद्रुक येथे सध्या लांडग्यांची चांगलीच दहशत आहे. रविवारी मीना आहेर, सुनीता पवार,  जगन आहेर व  मोहन सोळसे  हे चौघे  शेतातून जात असताना झाडाझुडपांत लपून बसलेल्या लांडग्याने त्यांच्यावर  हल्ला केला. अचानक झालेल्या हल्ल्यामुळे हे चौघेही गांगरून गेले. त्यांनी आरडाओरडा केल्याने लांडगा पळून गेला. आरडाओरडा ऐकू आल्याने लगतच्या काही तरुणांनी घटनास्थळी धाव घेतली.

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास

ग्रामस्थांमध्ये भीतीचे वातावरण,  दोन महिला, दोन पुरुष गंभीर जखमी 

तोपर्यंत लांडगा पसार झाला होता. जखमींना मनमाडच्या उपजिल्हा रुग्णालयात दाखल केले होते. या घटनेमुळे हिसवळ परिसरात खळबळ उडाली असून, ग्रामस्थांमध्ये भीतीचे वातावरण आहे. हा लांडगा इतरही व्यक्तींवर हल्ला करू शकतो, यासाठी वन विभागाने त्याचा बंदोबस्त करावा, अशी मागणी ग्रामस्थांनी केली आहे.  येथून जवळच असलेल्या हिसवळ बुद्रुक येथे शेतात जाणाऱ्या चार जणांवर लांडग्याने हल्ला केल्याची घटना रविवारी (ता.१) घडली. या हल्ल्यात दोन महिला, दोन पुरुष गंभीर जखमी झाले. जखमींवर मनमाड उपजिल्हा रुग्णालयात उपचार करण्यात आले.

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला