अंदरसूल - पोल्ट्री उत्पादकांच्या पोटात मक्याने आणला गोळा 

अंदरसूल - सर्वाधिक पेरणी असलेल्या मका पिकाने गेल्या तीन ते चार वर्षांत जिल्ह्यासह थेट तामिळनाडूपर्यंत पोल्ट्री उद्योगाला हातभार लावला आहे. यंदा मात्र हेच पीक तालुक्यात मोडून पडल्याने सुमारे ७५ टक्क्यांपर्यंत नुकसान होणार आहे.यामुळे येणारा हंगाम कसा जाणार व खाद्य महागणार असल्याच्या या विचाराने पोल्ट्री व्यावसायिकांच्या पोटात गोळा येत आहे.
मकाचे तालुक्यात यावर्षी ३३ हजार हेक्टरवर पेरणीचे उद्दिष्ट होते.यात येवला मंडळात 12 हजार,अंदरसुल व पाटोदयात 11 हजार 500 हेक्तरवर मकाची पेरणी झाली आहे.विशेष म्हणजे अपेक्षित क्षेत्राच्या तुलनेत 191 टक्के इतकी पेरणी झाली आहे.

सुरवाती पासूनच अवर्षणग्रस्त असलेल्या येवला तालुक्याच्या जणू काही पाचवीलाच दुष्काळ पुंजला की काय अशी म्हणण्याची वेळ आल्याने यंदा बळीराजाने   आपल्या कुटुंबाच्या पोटची खळगी भरण्यासाठी  लक्ष्मीच्या गळ्यातील सौभाग्यच लेन मोडून यंदा उशिरा बरसलेल्या वरुणराजाच्या भरवशावरच अगदी काळजावर दगड ठेवून पिक पेरणी केली.मात्र पावसानेच वेळेवर दगा दिल्याने पिकाचे उत्पादन मिळण्यापूर्वीच सम्पूर्ण पिकाचेच मातेरे झाल्याने शेतकरी ही पूर्णतः अडचणीत सापडला आहे.पहिल्याच पावसानंतर पावसाने दांडी मारल्याने शेतात उभे असलेल्या पिकांची पाण्या अभावी पिकांची वाढ संपल्याने शेतात पिक फ़क्त नावालाच उभे राहिले आहे. असून उत्पादन मात्र शून्य असेच चित्र सर्वत्र दिसून येत आहे.पावसाचे प्रमाणे कमी असल्याने मका उत्पादनात मोठी घट होणार असल्याने पोल्ट्री व्यवसाय संकटात असल्याने उत्पादकांना ही याचा मोठा फटका बसणार आहे.त्यामुळे पोल्ट्री उत्पादकांच्या पोटात मकाने गोळा आणला आहे . 

यंदा पावसाने दगा दिल्याने खाद्य ही महागणार असून पोल्ट्रीतील पक्षांना ही सहाशे रुपये प्रति टैंकर प्रमाणे दिवसाला दोन वेळा पाणी पाजण्याची वेळ आली आहे."
अरुण देवरे ,पोल्ट्री चालक,देवठाण

या वर्षी शेतकऱ्यांना कोणत्याही प्रकारचे उत्पन्न मिळाले नसल्याने शासनाने दुष्काळ जाहिर करून शेतकऱ्यांना दिलासा द्यावा " माधव गायकवाड़, गवंडगाव शेतकरी