नाशिक ः नाशिक महापालिका निवडणुकीसाठी कॉंग्रेस-राष्ट्रवादी कॉंग्रेसमध्ये आघाडीचा सूर जुळला आहे. 3 प्रभागातील 4 जागा वादात असून, त्यावर प्रदेशस्तरावरून निर्णय घेतला जाणार आहे. निम्म्या-निम्म्या जागांचे सूत्र निश्चितीवर आज अखेर शिक्कामोर्तब झाला आहे.
विधानसभेतील विरोधी पक्षनेते राधाकृष्ण विखे-पाटील, राष्ट्रवादीचे प्रभारी आमदार जितेंद्र आव्हाड यांच्या उपस्थितीत आघाडीबद्दलचा निर्णय घेतला जाणार होता. प्रत्यक्षात मात्र आव्हाड उपस्थित राहिले नाहीत. विखे-पाटील यांच्यासह कॉंग्रेसचे शहराध्यक्ष शरद आहेर, प्रदेश प्रवक्ता डॉ. हेमलता पाटील, अश्विनी बोरस्ते, राष्ट्रवादीचे शहराध्यक्ष रंजन ठाकरे, आमदार जयवंतराव जाधव, प्रदेश नेते नानासाहेब महाले यांच्या उपस्थिती ही बैठक रात्रीपर्यंत चालली.
|