Dhule : बनावट दारुचा कारखाना उद्‌ध्वस्त

City police squad with seized fake liquor factory materials.
City police squad with seized fake liquor factory materials.esakal

धुळे : शहरातील पांझरा नदीकाठी फुले नगरात सुरु असलेला बनावट दारुचा (Fake Liquor) कारखाना शहर पोलिसांनी उद्‌ध्वस्त (Demolished) केला. त्यात एक लाख किमतीची दारु आणि साहित्य जप्त (Seized) करण्यात आले आहे. (fake liquor factory material seized by police Dhule crime News)

या प्रकरणी बनावट दारुचा कारखाना चालविणाऱ्या पाच जणांसह ही दारु खरेदीसाठी आलेल्या गुजरातच्या दोघांना पोलिसांनी ताब्यात घेण्याची कारवाई सुरू केली आहे. शहरातील मोगलाई भागामधील पाटकिनारी फुलेनगरात पत्र्याचे छत असलेल्या घरात अवैध दारु कारखाना सुरु असल्याची माहिती शहर पोलिस ठाण्याचे निरीक्षक नितीन देशमुख यांना मिळाली. शहर पोलिस पथकाने रात्री पावणेअकराच्या सुमारास छापा टाकला. स्पिरीटचे ड्रम तसेच विदेशी दारुच्या भरलेल्या व रिकाम्या बाटल्या, बूच, सील, पिंप, गाळणी, बनावट मद्य निर्मिती कामी लागणारे साहित्य, असा एक लाख सात हजार ७३० किमतीचा मुद्देमाल घटनास्थळी जप्त केला.

City police squad with seized fake liquor factory materials.
Jalgaon : तरुणाच्या मृत्यूप्रकरणी गुन्हा दाखल

अवैध दारु कारखाना चालविणारे नंदाबाई संजय केदार (वय ५५), वैशाली रवींद्र वाघमारे, (वय ३०), रवींद्र वाघमारे, विशाल केदार, सागर उर्फ दादू पिंपळे (सर्व रा. फुलेनगर) तसेच विदेशी बनावटीची दारु खरेदीसाठी आलेले प्रदीपकुमार विराभाई पटेल, अनिता प्रदीपकुमार पटेल (दोघे रा. सुरत, गुजरात) यांना ताब्यात घेण्याची कारवाई सुरू होती. पोलिस अधीक्षक प्रवीणकुमार पाटील, अपर पोलिस अधीक्षक प्रशांत बच्छाव, उपअधीक्षक ईश्‍वर कातकाडे यांच्या मार्गदर्शनाखाली शहराचे निरीक्षक नितीन देशमुख, सहाय्यक अध्यक्ष संतोष तिगोटे, उपनिरीक्षक दीपक घनोटे, दत्तात्रय उजे, भिकाजी पाटील, हवालदार विलास भामरे, सतीष कोठावदे, अविनाश पवार, प्रल्हाद वाघ, कुंदन पटाईत, नीलेश पोतदार, मनीष सोनगिरे, प्रवीण पाटील, अविनाश कराड, विवेक साळुंखे, शाकीर शेख, सुशीला वळवी, किरण भदाणे यांच्या पथकाने ही कारवाई केली.

City police squad with seized fake liquor factory materials.
Jalgaon : हेल्मेटधारी चोरट्यांनी वृद्धेची पोत लांबवली

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com