Vidhan Sabha 2019 : शिवसेनेत बंडखोरीची लागण

Shivsena
Shivsena

नाशिकमध्ये ३६ नगरसेवकांसह ३५० पदाधिकाऱ्यांचे राजीनामे
नाशिक - नाशिक महानगरपालिकेतील विरोधी पक्षनेते अजय बोरस्ते यांच्या नेतृत्वाखाली मंगळवारी महापालिकेचे ३६ नगरसेवक, दोन महानगरप्रमुखांसह साडेतीनशे पदाधिकाऱ्यांनी राजीनामे देण्याची घोषणा केली. उद्धव ठाकरे युतीचा धर्म पाळत असून, त्यांना दुःख होऊ नये म्हणून राजीनामे देत असल्याचे पत्रकार परिषदेत घोषित करण्यात आले.

पश्‍चिम विधानसभा मतदारसंघात शिवसेनेची ताकद असल्याने शहरी भागात अस्तित्व कायम ठेवण्यासाठी हा मतदारसंघ युतीच्या जागावाटपात शिवसेनेला मिळावा, अशी प्रमुख मागणी होती. परंतु भाजपकडे हा मतदारसंघ कायम राहिल्याने विलास शिंदे यांनी बंडखोरी करत उमेदवारी कायम ठेवली. त्यापूर्वी भाजपकडूनदेखील नांदगाव विधानसभा मतदारसंघात उमेदवारी कायम ठेवत बंडखोरीचे निशाण फडकविले, तर निफाड विधानसभा मतदारसंघात भाजपकडून अपक्ष उमेदवाराला अप्रत्यक्ष साथ दिली जात आहे. देवळाली विधानसभा मतदारसंघातही छुपी मदत होत असल्याने शिवसेनेच्या पश्‍चिममधील बंडखोरीला शिवसेनेच्या २२ नगरसेवकांनी बळ दिले.

त्यापाठोपाठ गुरुवारी शहरातील सर्वच म्हणजे ३६ नगरसेवकांनी शिंदे यांच्या मागे उभे राहण्याची भूमिका घेतली. त्यापाठोपाठ शिवसेनेचे सचिन मराठे व महेश बिडवे यांच्यासह पदाधिकाऱ्यांनी साथ देत शिवसेनेच्या बंडखोरीचे समर्थन केले. सर्वच नगरसेवकांसह साडेतीनशे पदाधिकाऱ्यांनी संपर्कप्रमुख चौधरी यांच्याकडे राजीनामे देण्याची घोषणा केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com