सलग तिसऱ्या दिवशीही कोरोनाने घेतला बळी 

भुसावळ : शहरात आज पुन्हा कोरोना पॉझिटिव्ह दोन रुग्ण सापडले आहे. त्यामुळे रुग्णांच्या संख्येत वाढ झाली आहे. गेल्या आठवडाभरापासून कोरोनाने कहर केल्यामुळे रुग्णांची संख्या आता तेवीस झाली आहे. दरम्यान, आज सापडलेल्या एका रुग्णाचा मृत्यू झाल्यामुळे मयतची संख्या सहा झाली आहे. यामुळे शहरात खळबळ उडाली आहे. 

क्‍लिक करा - धुळे जिल्हा मुख्य टपाल खात्यातील अधिकारीही "कोरोना' बाधित 
 

गेल्या आठवडाभरापासून शहरात कोरोनाने कहर केला आहे. शहरात समतानगर येथे पहिला रुग्ण पॉझिटिव्ह सापडल्यानंतर सिंधी कॉलनी, शांतीनगर, आंबेडकर नगर, गंगाराम प्लॉट, पंचशील नगर, महेश नगर, जाम मोहल्ला, खडका रोड, भजी गल्ली, इंदिरानगर, डॉ. बाबासाहेब आंबेडकर नगर, मोमीन पुरा, काझी प्लॉट आदी परिसर कोरोनाने गाठला आहे. रविवारी (ता. १०) मोमीन पुरा व शनी मंदिर वार्ड या दोन भागात दोन रुग्ण सापडले आहे. त्यातील शनी मंदिर वॉर्डातील ६४ वर्षीय रुग्णाचा मृत्यू झाला आहे. शहरात कोरोना रुग्णांची संख्या २३ झाली आहे. यातील ६ रुग्णांचा मृत्यू झाला आहे. त्यामुळे १७ रुग्णावर उपचार सुरु आहेत. 
 
सिंधी कॉलनीतील रुग्ण पुन्हा पॉझिटिव्ह 
दरम्यान, सिंधी कॉलनीतील एका रुग्णाचा अहवाल पॉझिटिव्ह आला आहे. मात्र सिंधी कॉलनीतील पहिला रुग्ण असलेला त्या व्यक्तीचा तो अहवाल असल्यामुळे रुग्णांच्या संख्येत वाढ झाली नाही.