ऍड. निकमांशी दोन दिवसात चर्चा करणार : अरुणभाई गुजराथी

सकाळ वृत्तसेवा
रविवार, 6 जानेवारी 2019

जळगाव : जळगाव लोकसभा मतदार संघातून राष्ट्रवादी कॉंग्रेसतर्फे निवडणूक लढवावी यासाठी आपण राज्याचे विशेष सरकारी वकील उज्ज्वल निकम यांच्याशी दोन दिवसात चर्चा करणार आहोत, असे मत राष्ट्रवादी कॉंग्रेसचे नेते अरुणभाई गुजराथी यांनी "सकाळ'शी बोलताना व्यक्त केले. 
राष्ट्रवादी कॉंग्रेसच्या मुंबई येथील झालेल्या बैठकीत जळगाव लोकसभा मतदार संघाच्या उमेदवारीसाठी राज्याचे विशेष सरकारी वकील उज्ज्वल निकम यांच्या नावाची चर्चा करण्यात आली. तसेच त्यांची सहमती घेण्यासाठी विधानसभेचे माजी सभापती अरुणभाई गुजराथी यांच्यावर जबाबदारी देण्यात आली असल्याचे सांगण्यात आले. 

जळगाव : जळगाव लोकसभा मतदार संघातून राष्ट्रवादी कॉंग्रेसतर्फे निवडणूक लढवावी यासाठी आपण राज्याचे विशेष सरकारी वकील उज्ज्वल निकम यांच्याशी दोन दिवसात चर्चा करणार आहोत, असे मत राष्ट्रवादी कॉंग्रेसचे नेते अरुणभाई गुजराथी यांनी "सकाळ'शी बोलताना व्यक्त केले. 
राष्ट्रवादी कॉंग्रेसच्या मुंबई येथील झालेल्या बैठकीत जळगाव लोकसभा मतदार संघाच्या उमेदवारीसाठी राज्याचे विशेष सरकारी वकील उज्ज्वल निकम यांच्या नावाची चर्चा करण्यात आली. तसेच त्यांची सहमती घेण्यासाठी विधानसभेचे माजी सभापती अरुणभाई गुजराथी यांच्यावर जबाबदारी देण्यात आली असल्याचे सांगण्यात आले. 
याबाबत अरुणभाई गुजराथी यांच्याशी संपर्क साधला असता, ते म्हणाले, पक्षाच्या बैठकीत त्यांच्या उमेदवारीबाबत चर्चा करण्यात आली. पक्षाच्या नेत्यांनी आपल्यावर त्यांच्याशी चर्चा करण्याची जबाबदारी दिलेली आहे. त्यानुसार आपण मुंबईहून जळगावला आल्यानंतर उद्या (ता. 6) किंवा सोमवारी (ता. 7) त्यांची भेट घेऊन चर्चा करणार आहोत. 

आपली उमेदवारी प्राथमिक 
रावेर मतदार संघासाठी अरुणभाई गुजराथी याच्या नावाची चर्चा झाली आहे. त्याबाबत ते म्हणाले, आपली उमेदवारी निश्‍चित नाही, ती केवळ प्राथमिक घोषणा आहे. याबाबत अंतिम निर्णय पक्षातर्फेच घेण्यात येईल. मात्र पक्षाने उमेदवारी दिली, तर आपण लढणार आहोत. 
 
तर रावेरची जागा कॉंग्रेसलाही 
कॉंग्रेस व राष्ट्रवादी कॉंग्रेसच्या जागा वाटपात रावेर लोकसभा मतदार संघाची जागा कॉंग्रेसला सोडण्यात आल्याचा कांगावा कॉंग्रेस पक्षातर्फे करण्यात येत आहे. त्याबाबत मत विचारले असता. गुजराथी म्हणाले, राज्यातील आठ मतदार संघाबाबत अद्यापही चर्चा सुरू आहे. त्याबाबत पक्षाचे नेते शरद पवार निर्णय घेत आहे. वरीष्ठस्तरावर झालेल्या चर्चेत जर रावेरची जागा कॉंग्रेसला सोडण्याचा निर्णय झाला, तर ती जागा कॉंग्रेसलाही आम्ही सोडणार आहोत. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: marathi news jalgaon adv nikam gujrathi