जळगाव ः जिल्ह्यात दुष्काळी परिस्थितीमुळे केंद्रस्तरीय दुष्काळ पाहणी समितीने दौरा केला होता. त्यानंतर जिल्ह्यासाठी पाचशे कोटींचे दुष्काळी अनुदान मिळण्याची मागणी जिल्हा प्रशासनाने केली होती. त्यानंतर विविध तीन टप्प्यात 400 कोटी 1 लाख 46 हजार 480 रुपयांचा निधी जिल्हा प्रशासनास मिळाला. मात्र, लोकसभा निवडणुकीच्या कामांमुळे महसूल यंत्रणेला हा सर्व निधी वाटप करता आलेला नाही. मिळालेल्या निधीपैकी केवळ 298 कोटी 71 लाख 74 हजार 883 एवढ्या निधीचे शेतकऱ्यांना वाटप झाले आहे.
जिल्ह्यात गेल्या तीन वर्षांपासून सतत दुष्काळ आहे. यंदा पाऊसही कमी झाला. यामुळे खरिपाच्या उत्पादनात कमालीची घट झाली. शेतकऱ्यांना हाती-तोंडी आलेला घास पाण्याअभावी निसर्गाने हिरावून घेतला आहे. उभी पिके पाण्याअभावी करपून गेली आहेत. विहिरींच्या पाण्याची पातळी कमालीची खालावली आहे. जिल्ह्यात पडलेल्या पावसाच्या आधारे तेरा तालुक्यात दुष्काळ जाहीर करण्यात आला आहे. शेतकऱ्यांना मदतीचा हात मिळण्यासाठी केंद्र शासनाने एकूण तीन हप्त्यात 404 कोटी एक लाख 46 हजार 480 निधी पाठविला. त्यापैकी 298 कोटी 71 लाख 74 हजार 883 एवढा निधी वाटप करण्यात आला. महसूल प्रशासनाने उर्वरित निधी त्वरित वाटप करावा अशी मागणी शेतकऱ्यांची आहे.
आतापर्यंत झालेले अनुदान वाटप असे
तालुका--प्राप्त अनुदान--गावांची संख्या--निधी दिलेले शेतकरी--बॅंकेत जमा निधी
जळगाव--289460621--92--30018--264757341
जामनेर--515933701--152--52745--477046600
भुसावळ--163699655--54--29845---118945146
बोदवड--144153287--51--13469--119010096
मुक्ताईनगर--219464308--81--17934--151366000
पारोळा--325449589--114--35269--242369471
यावल--281705086--84--22069--165802091
रावेर--319701875--121--45533--166663245
अमळनेर--375048078--154--33385--254374382
चोपडा--325116341--117--45968--325116341
पाचोरा--378131996--129--36017---198245712
भडगाव---220062652--63--19256--129465518
चाळीसगाव--482219291--136--48592--374012940
एकूण--4040146480--1348--424598---2987174883
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.