नांदगाव-मतदारसंघातील राष्ट्रवादी कॉंग्रेसचे उमेदवार धनराज महाले यांच्या प्रचारासाठी पक्षाचे राष्ट्रीय अध्यक्ष व स्टार प्रचारक शरद पवार यांची 10 एप्रिलला जाहीर सभा होणार आहे. नांदगावच्या शिवस्फूर्ती मैदानावर सायंकाळी पाचला ही सभा होणार आहे.
सभेसाठी मविप्र महाविद्यालयाच्या ग्राउंडवर हेलिपॅड उभारण्यात येणार आहे. निवडणुकीच्या निमित्ताने बऱ्याच वर्षांनंतर श्री. पवार यांची नांदगावला जाहीर सभा होणार आहे. पुलोद काळात मुख्यमंत्री असताना श्री. पवार यांची नाग्यासाक्या धरणाच्या भूमिपूजनाच्या निमित्ताने जंगी सभा झाली होती. त्यानंतर आता निवडणुकीच्या निमित्ताने बऱ्याच वर्षांच्या कालावधीनंतर त्यांचे शिवस्फूर्ती मैदानात आगमन होणार आहे. दरम्यान, अलीकडच्या काळात तालुक्यातील राष्ट्रवादी कॉंग्रेसच्या पदाधिकाऱ्यांच्या राजीनामासत्रामुळे पक्षीय पातळीवर त्याचे पडसाद उमटले होते. आता थेट पक्षाध्यक्षच नांदगाव भेटीवर येत असल्याने श्री. पवार यांच्या सभेकडे सगळ्यांचे लक्ष लागले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.