शहाद्यात दोन दुकानांना आग; लोखो रुपयांचे नुकसान 

शहादा : शहरातील दोंडाईचा रस्त्यावरील खरेदी विक्री संघा समोरील राज पाईप या दुकानाला रात्री दोन वाजेच्या सुमारास अचानक लागलेल्या आगीत दोन दुकानांचे लाखोंचे नुकसान झाले. क्षणार्धात आगीने रौद्ररूप धारण करत दूरपर्यंत आगीचे लोट पसरत होते. सकाळपर्यंत आग धुमसत होती. घटनास्थळी शहादा, शिरपूर, तळोदा, खेतिया, पुरुषोत्तमनगर येथील अग्निशामक बंबांनी पाच तासांचे शर्थीचे प्रयत्न करत आग आटोक्‍यात आणली. 

आर्वजून पहा : अरे बापरे...! हे काय...चक्क दररोज हे गिळतात 100 ग्रॅम धुळ ! 
 

शहरातील खरेदी-विक्री संघासमोरील मोती बॅंक व जळगाव बॅंकेचा मध्ये असलेल्या राज पाईप या हार्डवेअरचा दुकानाला आज रात्री दोन वाजेच्या सुमारास अचानक आग लागली. आगीने क्षणार्धात रौद्ररूप धारण केले. शेजारीच असलेल्या बुरहानी हार्डवेअर या दुकानाला ही आग लागल्याने दोन्ही दुकाने जळून खाक झाले. त्यात लाखों रुपयांचे नुकसान झाल्याचा प्राथमिक अंदाज व्यक्त केला जात आहे. घटनास्थळी शहादा, खेतिया, तळोदा ,नंदुरबार ,शिरपूर, पुरुषोत्तमनगर आदी ठिकाणाहून अग्निशामक बंब दाखल झाले होते. सकाळ पर्यंत शर्तीचे प्रयत्न करत आग आटोक्‍यात आणली. घटनास्थळी उपविभागीय पोलिस अधिकारी पुंडलीक सपकाळे ठाण मांडून बसले होते. सुदैवाने जवळच असलेल्या बॅंकेचे कोणतेही प्रकारचे 
नुकसान झाले नाही. 

क्‍लिक कराः  भाऊ आढे रेंजच नही तर कर्जमाफी कशी हुईन...