धुळे: खून करुन कारसह जाळले

murdered in dhule
murdered in dhule

साक्री (जि. धुळे) - साक्री शहरात मध्यरात्री समता परीषदेचे जिल्हा उपाध्यक्ष व साक्री पाटबंधारे विभागातील वाहनचालक गोकुळ रतन माळी यांचा स्वतःच्या चारचाकी वाहनात जळून मृत्यू झाल्याची घटना घडली आहे. त्यांचा अक्षरश: कोळसा झाला आहे. तोंडात बोळा कोंबलेला व गळा सीटला बांधलेला, अशा अवस्थेत मृतदेह दिसत होता. 

साक्री शहरातील राष्ट्रीय महामार्गालगत तहसिल कार्यालयासमोर पाटबंधारे विभागाच्या कार्यालयीन आवारात माळी यांना ठार मारून वाहनात हातपाय बांधून डांबल्यानंतर जाळून टाकण्यात आल्याचा कयास आहे. ही थरारक व अंगावर शहारे आणणारी घटना साक्री पोलिस ठाण्यापासून हाकेच्या अंतरावर घडली आहे. मृत माळी यांचा मुलगा धीरज याने दिलेल्या फिर्यादीवरून गुन्हा दाखल झाला. 

प्रॉपर्टीच्या वादातून ही घटना घडली. मृत माळी यांना नंदुरबार येथील हिस्याचे घर विकायचे होते. मात्र भाऊ, बहिणी स्वाक्षरी देत नव्हते. यातून माळी कुटूंबात टोकाचा वाद सुरू होता. 

संशयितांना पहाटे तीनला पोलिसांनी तपासकामी ताब्यात घेतले. काशीराम गजमल माळी, तुकाराम काशीराम माळी, प्रल्हाद कृष्णा माळी, विजय कृष्णा माळी यांना नंदूरबार येथून ताब्यात घेतले गेले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com