नाशिक : पंचवटीतील पेठरोडवरील फुलेनगर येथे अज्ञात व्यक्तीने गावठी कट्टयातून गोळी झाडल्याने एकजण गंभीररित्या जखमी झाला आहे. सदरची घटना आज (गुरुवार) दुपारी तीन वाजेच्या सुमारास घडली. पोलिस गोळी झाडणाऱ्या संशयितांचा शोध घेत असून, जखमीवर अपोलो रुग्णालयात उपचार सुरू आहेत.
पोलिसांनी दिलेल्या माहितीनुसार, पेठरोडवरील फुलेनगरच्या ध्वनंतरी हॉस्पिटलनजिक दुपारी तीनच्या सुमारास अज्ञात व्यक्तीने गावठी कट्टयातून गोळी झाडल्याचा प्रकार घडला. यामध्ये संदीप लाड याच्या छातीच्या उजव्या बाजुला गोळी लागल्याचे समजते. त्याला तात्काळ पंचवटीतील संजीवनी हॉस्पिटलमध्ये प्राथमिक उपचार करून अपोलो रुग्णालयात दाखल करण्यात आले आहे. गोळीबाराची माहिती मिळताच पोलिस उपायुक्त लक्ष्मीकांत पाटील, गुन्हे शाखेच्या युनिट एकचे पोलिस निरीक्षक नारायण न्याहाळदे, पंचवटी व म्हसरुळचे पोलिस अधिकाऱ्यांनी घटनास्थळी धाव घेतली. गोळीबार करणाऱ्या संशयिताचा पोलिस शोध घेत आहेत. जखमी संदीप लाड हा देखील गुन्हेगार असून, त्याच्यावर शस्त्र बाळगल्याचा गुन्हा दाखल आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.