नाशिक जिल्ह्यात कंटेनर-ट्रकच्या अपघातात एक ठार

नाशिक जिल्ह्यात कंटेनर-ट्रकच्या अपघातात एक ठार
नाशिक जिल्ह्यात कंटेनर-ट्रकच्या अपघातात एक ठार

घोटी (जि. नाशिक) - घोटी-सिन्नर महामार्गावर धामणगाव शिवारात आज सकाळी कंटेनर आणि ट्रकची समोरासमोर धडक होऊन झालेल्या अपघातात कंटेनरचा चालक ठार झाला आहे.

घोटी पोलीस ठाण्याच्या हद्दीत आज (रविवार) सकाळी आठच्या सुमारास कंटेनर व मालवाहतूक करणाऱ्या ट्रकची समोरासमोर धडक झाली. सिन्नर येथील MH15 G 3993 साई रोडवेज ट्रान्सपोर्ट, मालवाहतूक करणारी ट्रक सिन्नरमार्गे मुबीकडे जात होती. यावेळी गुजरातमधून आलेला कंटेनर क्रमांक GJ29 U8289 सकाळी आठच्या दरम्यान समोरून येत होता. दोन्ही वाहने धामणगाव शिवारात आल्यानंतर त्यांची समोरासमोर धडक झाली. या अपघातात कंटेनर चालक कैलास कुमार माली (वय 35) हा जागीच ठार झाला. तर अन्य काही जण जखमी झाले. यातील काहींची प्रकृती चिंताजनक असून त्यांना धामणगाव येथील एसएमबीटी रुग्णालयात दाखल करण्यात आले आहे. घटनेची माहिती मिळताच पोलीस निरीक्षक प्रभाकर पाटील यांच्या मार्गदर्शनाखाली सहाय्यक पोलीस निरिक्षक जनार्धन तेली, हवालदार सुहास गोसावी, संतोष दोंदे, प्रकाश कासार, लहू सानप, रमेश चव्हाण यांनी तातडीने चालकांना उपचारासाठी रुग्णालयात दाखल करण्यात येवून गुन्हा नोंद करण्यासाठी प्रयत्न सुरु आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com