नाशिक जिल्‍ह्‍यातील ॲक्‍टिव्‍ह कोरोना रुग्‍ण संख्येत घट
नाशिक : कोरोनाचा (Corona) प्रादुर्भाव ओसरत असतांना उपचार घेणाऱ्या बाधितांच्‍या संख्येतही घसरण सुरु आहे. तिसरी लाट आल्‍यापासून प्रथमच जिल्‍ह्‍यातील ॲक्‍टिव्‍ह रुग्‍ण संख्या एक हजारांच्‍या आत आली आहे. शुक्रवारी (ता.१८) जिल्‍ह्‍यात १२४ रुग्‍णांचे कोरोनाचे अहवाल पॉझिटिव्‍ह आले. तर २५५ रुग्‍णांनी कोरोनावर यशस्‍वीरीत्‍या मात केली. एका बाधिताच्‍या मृत्‍यूची नोंद आहे. यातून ॲक्‍टिव्‍ह रुग्‍ण संख्येत घट झाली असून, सद्यःस्‍थितीत जिल्‍ह्‍यातील ९८८ बाधितांवर उपचार सुरु आहेत.
जिल्‍ह्‍याचा पॉझिटिव्‍हीटी दर २.७० टक्‍के
नाशिक शहरात कोरोनाचा प्रादुर्भाव ओसरला असला तरी ग्रामीण भागात रुग्‍ण संख्येत किरकोळ वाढ झालेली आहे. नाशिक शहरातील २७ तर नाशिक ग्रामीणमधील नव्वद रुग्‍णांचे कोरोनाचे अहवाल पॉझिटिव्‍ह आले आहेत. मालेगाव महापालिका क्षेत्रातील एक तर जिल्‍ह्या बाहेरील सहा रुग्‍णांना कोरोनाची लागण झाल्‍याचे निदान झाले. एका बाधिताच्‍या मृत्‍यूची नोंद असून, मृत हा नाशिक ग्रामीण भागातील आहे. सलग दुसऱ्या दिवशी नाशिक शहरातील मृतांचा आकडा निरंक राहिला.
हेही वाचा: देशात 80% प्रौढांचे कोरोना लसीकरण पूर्ण : केंद्रीय आरोग्य मंत्री
सायंकाळी उशीरापर्यंत ९६७ अहवाल प्रलंबित होते. यापैकी सर्वाधिक ८१२ प्रलंबित अहवाल नाशिक ग्रामीणमधील आहेत. नाशिक शहरातील ८८, तर मालेगावच्‍या ६७ रुग्‍णांना अहवालाची प्रतीक्षा होती.
शुक्रवारी जिल्‍ह्‍याचा पॉझिटिव्‍हीटी दर २.७० टक्‍के राहिला. यात नाशिक ग्रामीण भागाचा दर ३.४४ टक्‍के तर नाशिक महापालिका क्षेत्राचा दर १.४९ टक्‍के राहिला. सध्या अकरा बाधितांवर व्‍हेंटीलेटरद्वारे उपचार सुरु आहे. तर ४९ बाधितांना उपचारादरम्‍यान ऑक्‍सिजनची आवश्‍यकता आहे. उपचार घेणाऱ्यांपैकी ९६ बाधितांमध्येच लक्षणे आढळून आले आहेत. ८९२ रुग्‍णांमध्ये कुठल्‍याही स्‍वरुपाचे लक्षणे नाहीत.
हेही वाचा: कोरोनाबळी अनुदान कागदावरच
Web Title: Decrease In The Number Of Active Corona Patients In Nashik District
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
