पंचवटी : हिरावाडी रोडवरील लाटे नगर परिसरातील दोन महिला भटक्या कुत्र्यांना पोळ्या देत असल्याने हे कुत्रे नागरिकांना चावत असल्याचा आरोप करीत स्थानिकांनी तिला व तिच्या मुलीला मारहाण केल्याची घटना घडली. या घटनेबाबत पंचवटी पोलिस ठाण्यात परस्परविरोधी गुन्हे दाखल करण्यात आले आहेत.
याबाबत माहिती अशी की, हिरावाडीतील लाटे नगर येथे वास्तव्यास असलेल्या राहणाऱ्या दोन महिला ५ ते ६ मोकाट कुत्र्यांना सार्वजनिक ठिकाणी बिस्किटे आणि खाद्यपदार्थ खाऊ घालत असतात. यामुळे परिसरातील नागरिक व या दोन महिलांमध्ये नेहमी शाब्दिक चकमक होत असे. या मोकाट कुत्र्यांनी दोन- तीन मुलांना चावा घेतला. यावरून स्थानिकांच्या जमाव व दोन महिलांमध्ये वाद झाला. वादाचे पर्यवसान हे हाणामारीत झाले.
याप्रकरणी या दोन महिलांना जमावाने मारहाण व विनयभंग केल्याचा गुन्हा दाखल केला आहे, तर स्थानिकांमधील एका महिलेने या दोन महिलांविरुद्ध पाळीव कुत्र्याने चावा घेतला म्हणून व सार्वजनिक ठिकाणी लघवी आणि विष्ठेतून आरोग्याचा प्रश्न निर्माण झाला असल्याबाबतचा गुन्हा दाखल केला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.