Sukanya Samriddhi Yojana : सुकन्या समृद्धी योजनेसाठी टपाल विभागाची विशेष मोहीम; जाणुन घ्या

नाशिक : महिला सबलीकरणाच्या दृष्टिकोनातून टपाल विभागामार्फत सुकन्या समृद्धी योजना सुरू आहे. या योजनेचा लाभ तळागाळातील शेवटच्या घटकापर्यंत पोचण्यासाठी टपाल विभागामार्फत सुकन्या समृद्धी योजनेचे खाते उघडण्यासाठी ९ व १० फेब्रुवारीला विशेष मोहिमेचे आयोजन करण्यात आले आहे,

हेही वाचा : भारतीय क्रिकेटची नवी आशा- पृथ्वी शाॅ

अशी माहिती नाशिक टपाल विभागाचे प्रवर डाक अधीक्षक मोहन अहिरराव यांनी दिली. योजनेचा लाभ दहा वर्षांच्या आतील वयोगटाच्या मुलींसाठी घेता येईल. सुरवातीला रुपये दोनशे पन्नास इतकी रक्कम भरून खाते सुरू करता येते.

त्यानंतर दरवर्षी जास्तीत- जास्त दीड लाख रुपयांपर्यंत या खात्यावर जमा करता येतील. खात्यावर जमा केलेल्या रकमेवर पालकांना आयकरात ८०- सी अंतर्गत सूट घेता येईल. सुकन्या समृद्धी योजनेंतर्गत ७.६ टक्के इतका आकर्षक व्याजदर भारतीय टपाल विभागामार्फत दिले जात आहे.

योजनेचे खाते उघडण्यासाठी १० फेब्रुवारीच्या आत नजीकच्या पोस्ट ऑफिसमध्ये संपर्क साधावा, असे आवाहनही प्रवर डाक अधीक्षक मोहन अहिरराव यांनी केले आहे.