बिबट्याची दहशत चौथ्या दिवशीही कायम

पंचवटी - येथील जलविज्ञान भवनाजवळ बुधवारी पिंजरा लावताना वन विभागाचे अधिकारी व कर्मचारी.
पंचवटी - येथील जलविज्ञान भवनाजवळ बुधवारी पिंजरा लावताना वन विभागाचे अधिकारी व कर्मचारी.

वन विभागाने जलविज्ञान भवनाजवळ लावला पिंजरा
पंचवटी - दिंडोरी रोड परिसरात रविवारी (ता. २०) सायंकाळी वाहनचालकाला दिसलेल्या बिबट्याची दहशत आज चौथ्या दिवशीही कायम होती. काल या भागात मृत कुत्र्याचे अवशेषासह बिबट्याच्या पायाचे ठसे आढळले असले, तरी वन विभागाने बिबट्याच्या अस्तित्वाबाबत अद्याप दुजोरा दिलेला नाही. सलग चार दिवस शोध घेऊनही न आढळलेल्या बिबट्याला जेरबंद करण्यासाठी आज सायंकाळी जलविज्ञान भवन परिसरात पिंजरा लावला.

स्कार्पिओचालकास रविवारी (ता. २०) रस्ता ओलांडून मेरी कार्यालय परिसरात शिरलेला बिबट्या दिसल्यापासून पोलिस, वन विभागाची यंत्रणा कामाला लागली आहे. मात्र, मृत कुत्रा व पायाचे ठसे आढळूनही वन विभाग बिबट्याच्या अस्तित्वाबाबत साशंक आहे. बिबट्या पुन्हा सोमवारी (ता. २१) एका शाळकरी मुलीला दिसल्याचा दावा तिच्या पालकांनी केला. मात्र, यास अधिकृत दुजोरा मिळू शकलेला नाही. तरीही या भागातील रहिवासी, सकाळी व सायंकाळी फिरायला येणाऱ्या नागरिकांत भीतीचे वातावरण आहे.

सुरक्षिततेसाठी खबरदारी
एखाद्या भागात बिबट्या किंवा अन्य हिस्त्र प्राणी नागरिकांना प्रत्यक्ष दिसला किंवा प्राण्याच्या पायाचे ठसे किंवा विष्ठा आढळून आल्यास पिंजरा लावण्याची वन विभागाची पद्धत आहे. येथे तसे काही न आढळल्याने वन विभाग संभ्रमात होते. मात्र, नागरिकांच्या सुरक्षिततेसाठी खबरदारी म्हणून पिंजरा लावल्याचे वन विभागाच्या अधिकाऱ्यांनी सांगितले. आज सायंकाळी मृत कुत्र्याचे अवशेष आढळले होते. त्या ठिकाणी पिंजरा लावण्यात आला. तेथे पाण्याची टाकी असून, मोठ्या प्रमाणावर पाणीही उपलब्ध असल्याने पाणी पिण्यासाठी बिबट्या  येऊ शकतो, अशी शक्‍यताही व्यक्त करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com