पोलिसाला धक्काबुक्की 

नाशिक : सातपूर परिसरात पोलीस चौकीसमोर कर्तव्यावर असलेल्या पोलीसांना अश्‍लिल शिवीगाळ करीत धक्काबुक्की करणाऱ्या तरुणाविरोधात गुन्हा दाखल करण्यात आला आहे. ऋषिकेश उर्फ संकेत पुंडलिक पवार (25, रा. पाण्याच्या टाकीजवळ, साई चौक, राधाकृष्णनगर, सातपूर) असे संशयिताचे नाव आहे. पोलीस हवालदार बाजीराव सहादू भिसे यांच्या फिर्यादीनुसार, ते आणि पोलीस नाईक वाघमारे हे दोघे बोलकर व्हॅली पोलीस चौकी येथे गेल्या शनिवारी (ता.14) कर्तव्यावर होते. सायंकाळी साडेसात वाजेच्या सुमारास संशयित संकेत पवार याने सार्वजनिक शांततेचा भंग करीत मोठमोठ्याने अश्‍लिल शिवीगाळ केली. पोलीस हवालदार भिसे यांनी त्यास रोखले असता, त्याने दोघा पोलिसांना शिवीगाळ करीत धक्काबुक्की केली. तसेच गर्दीचा फायदा घेत पसार झाला. याप्रकरणी सातपूर पोलिसात सरकारी कामात अडथळा आणल्याप्रकरणी गुन्हा दाखल करण्यात आला आहे.