नाशिक : नोटाबंदीच्या निर्णयाला दोन महिने झाल्यावरही नाशिकमधील 90 टक्के "एटीएम'ची शटर डाउन आहेत. एवढेच नव्हे, तर स्टेट बॅंकेकडे उपलब्ध असलेल्या पैशांमधून एक दिवसाची शहरवासीयांची गरज भागेल की नाही याबद्दलचे प्रश्नचिन्ह कायम आहे.
स्टेट बॅंकेकडे दिवसाला यापूर्वी उपलब्ध होणाऱ्या 55 कोटींमधील सर्वसाधारणपणे 25 कोटी नाशिककरांसाठी उपलब्ध करून दिले जात होते. आता मात्र बॅंकेकडे उपलब्ध असलेल्या 60 कोटींपैकी 15 कोटी शहरासाठी उपलब्ध करून दिले जाणार आहेत.
त्याचबरोबर 20 कोटींची मागणी करण्यात आली आहे. जिल्हा प्रशासनाच्या माहितीनुसार इतर बॅंकांकडे 40 कोटी उपलब्ध आहेत. दरम्यान, चलन उपलब्धतेच्या प्रश्नाबरोबरच ऑनलाइन व्यवहारांवर मर्यादा आली आहे. ऑनलाइन पद्धतीने पैसे इतर बॅंकांतील खात्यांवर वर्ग करत असताना पाच हजार रुपयांच्या मर्यादेच्या पलीकडे रक्कम वर्ग करता आली नाही. ही समस्या जाणवल्यावर पुन्हा उरलेली रक्कम वर्ग करत असताना दिवसाला पाच हजार रुपयांची मर्यादा असल्याचा निरोप ऑनलाइन प्रक्रियेवेळी ग्राहकाला मिळत आहे.
....
|