बीएस्सी पेपरफुटी प्रकरणातील दोघा विद्यार्थ्यांना पोलिस कोठडी 

बीएस्सी पेपरफुटी प्रकरणातील दोघा विद्यार्थ्यांना पोलिस कोठडी 

नाशिक - सावित्रीबाई फुले पुणे विद्यापीठाचे संकेतस्थळ हॅक करून एसवायबीएस्सीच्या लिनिअर अलजेब्रा या विषयाच्या पेपरफुटी प्रकरणात अटक करण्यात आलेल्या दोघा विद्यार्थ्यांना येत्या 10 तारखेपर्यंत तीन दिवसांची पोलिस कोठडी सुनावली. 

के. के. वाघ अभियांत्रिकी महाविद्यालयात आयटी अभियांत्रिकीचे शिक्षण घेणारे आदेश गजेंद्र चोपडे (वय 21, रा , ऋषिप्रसाद बंगला, खुटवडनगर, सीटू भवनजवळ, नाशिक), चिन्मय दीपक अटराव्हलकर (वय 22, रा. शाहूनगर, जळगाव, हल्ली रा. नाशिक), अशी दोघा संशयितांची नावे आहेत. गेल्या 28 एप्रिलला एसवायबीएस्सीचा लिनिअर अलजेब्रा या विषयाचा पेपर आदल्या दिवशीच सोशल मीडियावर व्हायरल झाला होता. पोलिस तपासात या दोघा संशयितांनी केलेले कृत्य समोर आले. याप्रकरणी विद्यापीठाचेच संकेतस्थळ हॅक करून पेपर फोडणाऱ्या दोघा विद्यार्थ्यांना सोमवारी (ता. 7) न्यायालयात हजर केले असता, त्यांना 10 तारखेपर्यंत तीन दिवसांची पोलिस कोठडी सुनावली. या प्रकरणाचा तपास पोलिस आयुक्त डॉ. रवींद्रकुमार सिंगल यांच्या मार्गदर्शनाखाली सायबर पोलिस ठाण्याचे प्रभारी पोलिस निरीक्षक देवराज बोरसे करीत आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com