उद्धवा अजब तुझे सरकार! विजबिलांच्या वसुलीसाठी ग्राहकांना ‘अल्टीमेटम’; शासकीय कार्यालयांचे काय?

योगेश बरवड
Sunday, 22 November 2020

महावितरणच्या केवळ शहर परिमंडळाचा विचार केल्यास तीन लाख ७३ हजार ४८ वीजग्राहकांकडे ३५७.२३ कोटींची थकबाकी आहे. सर्वसामान्य ग्राहकांप्रमाणेच कोरोनाचे संकट शासकीय विभागांवरही कोसळले. निधीची तरतूदच होऊ न शकल्याने शासकीय विभागांनीही बिलाचा भरणा केला नाही.

नागपूर : सामान्य ग्राहकांकडून वीज देयकाच्या वसुलीवर महावितरणकडून भर देण्यात येत आहे. त्याचवेळी शासकीय कार्यालयांकडे थकीत असलेली वीजबिलांची रक्कमही कोटीच्या घरात असल्याचे समोर आले आहे. थकबाकीच्या वाढत्या आकडेवारीमुळे महावितरणचा आर्थिक ताळेबंदच चुकला आहे.

लॉकडाऊनच्या काळात सर्वसामान्य ग्राहकांची चांगलीच आर्थिक कोंडी झाली. परिणामी अनेक ग्राहक वीजबिल भरू शकले नाहीत. लॉकडाऊन शिथिल झाल्यानंतर ग्राहकांनी तीन महिन्यांचे एकत्रित बिल पाठविण्यात आले. वारेमाप बिलामुळे ग्राहकांच्या संताचा भडका उजाला.

हेही वाचा - हृदयस्पर्शी! मुळ गावी जाण्यासाठी कुटुंबीयांसह निघाला पती; वाटेत पत्नीने सोडली साथ, मुलं अनभिज्ञ

त्यातच ग्राहकांना दिलासा देण्यासंदर्भातील संकेत सरकारकडून मिळाले. परिणामी ग्राहकांनी बिल भरण्याकडेच पाठ फिरविली. बिलाची वसुली खोळंबल्याने महावितरण संकटात सापडले आहे.

महावितरणच्या केवळ शहर परिमंडळाचा विचार केल्यास तीन लाख ७३ हजार ४८ वीजग्राहकांकडे ३५७.२३ कोटींची थकबाकी आहे. सर्वसामान्य ग्राहकांप्रमाणेच कोरोनाचे संकट शासकीय विभागांवरही कोसळले. निधीची तरतूदच होऊ न शकल्याने शासकीय विभागांनीही बिलाचा भरणा केला नाही.

जाणून घ्या - स्पर्श विरहित दर्शन व्यवस्थेचा शेगाव पॅटर्न, श्री दर्शन सुरू झाल्याने भाविकांमध्ये आनंद

काँग्रेसनगर विभागांतर्गत येणारी शासकीय कार्यालये, शाळा महाविद्यालये अशी एकूण ६११ ग्राहक आहेत. त्यांच्याकडे ८६.५७ लाखांची थकबाकी आहे. सिव्हिल लाइन्स विभागीतही २८९ ग्राहकांकडे ७१.३० लाखांची थकबाकी आहे. ऐवढेच नाहीतर शहर परिमंडळांतर्गत असणाऱ्या पथदिव्यांच्या २६४६ जोडण्यांवर १७.५० कोटींची तर पाणीपुरवठ्यासाठी असणाऱ्या ६५१ जोडण्यांवर २.८२ कोटी थकीत आहे.

संपादन - नीलेश डाखोरे


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Arrears of crores to government offices