VIDEO : पदवीधर निवडणुकीच्या परीक्षेत आम्ही उत्तीर्ण होणार - फडणवीस

नागपूर : पदवीधर मतदारसंघाची निवडणूक ही आमची परीक्षा आहे. यामध्ये नक्कीच आम्ही उत्तीर्ण होऊ. यामध्ये आमचाच विजय होणार असल्याचा विश्वास विरोधी पक्षनेते देवेंद्र फडणवीस यांनी व्यक्त केला. शहरातील धरमपेठ पब्लिक स्कूल या मतदान केंद्रावर राज्याचे विरोधी पक्ष नेते आणि माजी मुख्यमंत्री देवेंद्र फडणवीस यांनी नुकतेच मतदान केले. त्यानंतर ते पत्रकारांशी बोलत होते.

हेही वाचा - नागपूर पदवीधर निवडणूक : भाजप मतदारसंघ राखणार की...

अचानक निवडणूक घोषित झाली. त्यामुळे याद्यांमध्ये बराच घोळ दिसत आहे. अनेक मतदारांचे नाव यादीमध्ये नाहीत. कुठेतरी ही यंत्रणा निवडणूक आयोगाला सुधरावी लागेल. अर्ज केल्यानंतर मतदार यादीमध्ये नाव आले पाहिजे, हे निवडणूक आयोगाची जबाबदारी आहे, असेही ते म्हणाले. तसेच सुशिक्षित नागरिकांनी मतदान करावे. लोकशाही मजबूत करण्यासाठी मतदान महत्वाचे माध्यम आहे. सर्व नोंदणी असलेल्या पदवीधरांनी मतदान करावे, असे आवाहनही त्यांनी यावेळी केला. 

हेही वाचा - 'बाबां'चे समाधीस्थळ असलेल्या स्मृतीवनात डॉ....

दरम्यान, आज पदवीधर मतदारसंघाच्या निवडणुकीसाठी मतदान सुरू आहे. त्यामध्ये आतापर्यंत देवेंद्र फडणवीस, ऊर्जामंत्री नितीन राऊत, भाजपचे उमेदवार संदीप जोशी यांनी मतदानाचा हक्क बजावला आहे. 

संपादन - भाग्यश्री राऊत