कंबरेवर बंदूक मिरवत फिरणं पडलं महागात, तरुणाला अटक

नागपूर : कमरेला पिस्तूल लावून मिरविण्याचा शौक पूर्ण करणारा हौशी युवक पोलिसांच्या हाती लागला. त्याच्याकडून पोलिसांनी पिस्तूल आणि एक बुलेट जप्त केली. अनमोल सिंह हरमित सिंह सलुजा (१८, बाबा बुद्धाजीनगर) असे अटकेतील आरोपीचे नाव आहे.

हेही वाचा - काळोखात कुत्रासदृश्य प्राणी दिसल्यानं मारली काठी, समोर येताच वाचवा-वाचवा ओरडली

टेका नाका कामठी रोडवर एक युवक पिस्तूलसह फिरत असल्याची माहिती गुन्हे शाखेचे पोलिस कर्मचारी सचिन आंधळे यांना मिळाली. गुन्हे शाखेच्या पथकाने टेका नाका परिसरात सापळा रचला. या सापळ्यात अनमोल सिंह हा फसला. त्याच्याकडून पोलिसांनी पिस्तूल आणि बुलेट जप्त केली. ही कारवाई रविवारी रात्री नऊ वाजताच्या सुमारास केली. अनमोलने मध्यप्रदेशातून पिस्तूल आणले होते. कमरेला पिस्तूल लावून तो फिरायला लागला होता. ही माहिती पोलिसांना मिळताच त्याला अटक केली. ही कारवाई गुन्हे शाखेचे डीसीपी गजानन राजमाने यांच्या मार्गदर्शनाखाली पीएसआय ओमप्रकाश भलावी, अंमलदार सचिन आंधळे. श्रीकांत सावळे, पंकज लांडे, हिमांशू ठाकूर यांनी केली.