त्या तिघांनी थांबवली अधिकाऱ्याची कार.. अन सुरु झाला प्रकार ‘बॅंड बाजा बारात’..नक्की काय घडले.. वाचा 

नागपूर :  शहरातील एका ‘बॅंड बाजा बारात’ टोळीने एका औषध उत्पादक कंपनीच्या विक्री अधिकाऱ्याला जाळ्यात ओढले. त्याला शारीरिक संबंध प्रस्थापीत करण्याचे आमिष दाखवले. कारमध्ये तरूणीला पाठवले. लगेच तीन युवकांनी कारचा घेराव केला. त्या अधिकाऱ्याचे कपडे काढून फोटो काढले. अधिकाऱ्याला तरूणीसह टोळीने दीड लाखाने लुटले. ४५ वर्षीय संजीव कुमार रा. कोराडी (बदललेले नाव) यांच्या तक्रारीवरून एमआयडीसी पोलिसांनी गुन्हा दाखल केला.

जाणून घ्या -  मोठी बातमी : राणे प्रकरणात अचानक ट्विस्ट.. घटनेला अनैतिक संबंधाची किनार? ही माहिती आली समोर

पोलिसांनी दिलेल्या माहितीनुसार, शुक्रवारी दुपारी संजीव कुमार हे कारने एमआयडीसीत जात होते. रायसोनी अभियांत्रिकी कॉलेजजवळ तीन युवकांनी त्यांना थांबविले. तिघेही कारमध्ये बसले. चाकूचा धाक दाखवून त्यांना आशीर्वाद वसतिगृहाजवळ नेले. त्यांना मारहाण करून आठ लाख रुपयांची खंडणी मागितली. त्यांनी पैसे देण्यास नकार दिला. लुटारुंनी त्यांच्या पर्समधून तीन हजारांची रोख व एटीएम कार्ड काढले. कार्डद्वारे एटीएममधून ९० हजार रुपये काढले. 

त्यानंतर लुटारुंनी संजीव कुमार यांना तब्बल चार तास कारमध्येच डांबून ठेवले. त्यांनी अपघात झाल्याचे सांगून मित्राकडून ५० हजार रुपये आणण्यास संजीव कुमार यांना सांगण्यात आले. संजीव कुमार यांनी मित्राला फोन केला. मित्राने ५० हजार रुपये जमविले. मित्राने संजीव कुमार यांना फोन केला.संजीव कुमार याने मित्राला मंगलमूर्ती चौकात बोलाविले.संजीव कुमार यांचा मित्र मंगलमूर्ती चौकात आला. संजीव कुमार यांना कारचा क्रमांक सांगितला. 

तरुणीही सामील 

त्यानंतर कारजवळ श्वेता नावाची तरुणी आली. तिने मित्राकडून ५० हजार रुपये घेतले व पसार झाली. ५० हजार रुपये मिळताच लुटारुंनी संजीव कुमार यांना कारसह सोडले. संजीव कुमार प्रचंड घाबरले. दुसऱ्या दिवशी त्यांनी एमआयडीसी पोलिसांत तक्रार केली. पोलिसांनी गुन्हा दाखल केला. घटनेचे गांभीर्य ओळखून एमआयडीसी पोलिस स्टेशनचे वरिष्ठ पोलिस निरीक्षक हेमंतकुमार खराबे यांनी लुटारुंचा शोध सुरू केला. उशीरा रात्री एका लुटारुला ताब्यात घेतले. तरुणी व अन्य दोघांचा पोलिस कसून शोध घेत आहेत.

अवश्य वाचा - काय सांगता, तब्बल दहा वर्षांनंतर उघडणार त्या धरणाची दारे!

शहरात अनेक टोळ्या सक्रीय

मोठमोठ्या कंपनीतील अधिकारी आणि शासकीय अधिकाऱ्यांना सोशल मिडियाच्या माध्यमातून तरुणी जाळ्यात ओढतात. शारीरिक संबधाची तयारी दर्शवतात. अधिकारी जाळ्यात अडकल्यानंतर शिताफिने त्याला बदनामीची धमकी देऊन लुटतात.

संपादन - अथर्व महांकाळ