चंद्रपूर औष्णिक वीज केंद्रात अपघात, कामगाराच्या हातांना आणि मेंदूला गंभीर दुखापत

चंद्रपूर : चंद्रपूर महाऔष्णिक वीज केंद्रातील युनिट क्रमांक पाचमध्ये काम करीत असताना सुमारे आठ मीटर उंचीवरून पडल्याने कामगार जखमी झाला. ही घटना गुरुवारी सकाळच्या सुमारास घडली. विशाल देवगावकर (वय 29) असे जखमी कामगाराचे नाव आहे. दोन्ही हात आणि मेंदुला गंभीर दुखापत झाली आहे. या प्रकाराला कंत्राटदाराचे दुर्लक्ष कारणीभूत असल्याचा आरोप कामगारांकडून केला जात आहे.

दुर्दैवी भावाला बघता आलं नाही बहिणीचं लग्न, पत्रिका वाटायला गेला अन् सर्वच संपलं

वीज केंद्राच्या युनिट क्रमांक 5 मधील एसी ड्रकमध्ये विशाल देवगावकर हा कंत्राटी कामगार म्हणून काम करीत आहे. गुरुवारी सकाळी विशाल नेहमीप्रमाणे कामावर गेला. आठ मीटर उंचीवर तो काम करीत होता. अचानकपणे लाकडी काठ्यांचे जुगाड तुटले. 

यात विशाल जमीनीवर कोसळला. विशालचे दोन्ही हात मोडले असून, मेंदुला गंभीर दुखापत झाली आहे. या अपघातानंतर युनिटमधील सर्व मजुरांनी घटनास्थळाकडे धाव घेतली.

नागझिरा प्रकल्प आग : मृतांच्या कुटुंबीयांना शासनाकडून ५ लाखांची मदत, आग विझविताना होरपळून झाला...

जखमी अवस्थेला विशालला उपचारासाठी रुग्णालयात दाखल करण्यात आले. कामगार सेनेचे बंडू हजारे यांनी घटनास्थळाला भेट देऊन जखमी कामगाराचा वैद्यकीय खर्च कंत्राटदाराने द्यावा, अशी मागणी केली आहे. यासंदर्भात मुख्य अभियंता पंकज सपाटे यांची भेट घेऊन कंत्राटी कामगारांना सुरक्षा पुरविण्यात यावी, यासाठी निवेदन देण्यात येणार असल्याचे हजारे यांनी सांगितले.

संपादन - अथर्व महांकाळ