भाजप नेते सुधीर मुनगंटीवर यांच्या वडिलांचे नागपुरात निधन

चंद्रपूर : भाजप नेते सुधीर मुनगंटीवार यांचे वडिल डॉ. सच्चिदानंद मुनगंटीवार यांचे आज नागपूरमध्ये निधन झाले. वयाच्या ९३ व्या वर्षी त्यांनी अखेरचा श्वास घेतला. काही दिवसांपूर्वी हृदयविकाराच्या धक्क्यानंतर नागपुरातील किंग्जवे रुग्णालयात त्यांच्यावर उपचार सुरू होते. (bjp leader sudhir mungantiwar father Dr Sachchidananda Mungantiwar passes away at nagpur)

सुधीर मुनगंटीवार हे त्‍यांचे थोरले तर चंद्रपूर येथील प्रसिध्‍द नेत्रतज्ञ डॉ. संदीप मुनगंटीवार हे त्‍यांचे धाकटे चिरंजीव आहेत. याशिवाय त्यांच्या मागे त्यांची मुलगी- जावई व इतर मोठा परिवार आहे.

चंद्रपूर व विदर्भातील जुन्या पिढीतील प्रख्यात वैद्यक व्यवसायी म्हणून डॉ. सच्चिदानंद मुनगंटीवार यांची विशेष ओळख होते. बालपणापासूनच राष्ट्रीय स्वयंसेवक संघाशी ते जोडलेल आहेत. त्यांनी संघातील शहर-जिल्हा व विभाग स्तरावरील विविध पदे हाताळली आहेत.

यासोबतच त्यांनी १९६७ मध्‍ये भारतीय जनसंघातर्फे चंद्रपूरमधून विधानसभेची निवडणूक देखील लढवली. त्‍यांचे पार्थिव शनिवार, ४ जून २०२२ रोजी सकाळी १०.३० वाजता चंद्रपूर येथे आणण्‍यात येईल. त्‍यानंतर सायंकाळी ४.३० वाजता कस्‍तुरबा चौक निवासस्‍थानाहून अंत्‍ययात्रा निघेल आणि शांतीधाम येथे त्‍यांच्‍यावर अंत्‍यसंस्‍कार करण्‍यात येणार आहेत.