बिल्डर्सनी केली दोन घरांची तोडफोड

बिल्डर्सनी केली दोन घरांची तोडफोड
नागपूर : जमीन बळकावण्यासाठी शहरातील 2 नामांकित बिल्डर्सनी साथीदारांच्या मदतीने दोन घरांची तोडफोड करीत नुकसान केले. त्यांना विरोध करणाऱ्या तरुणीला जबर मारहाण केली. ही घटना अजनी पोलिस ठाण्याच्या हद्दीत भरदुपारी घडली. या घटनेमुळे अजनी परिसरातील नागरिकांमध्ये भीतीचे वातावरण निर्माण झाले आहे.
पोलिसांनी दिलेल्या माहितीनुसार, अजनी हद्दीतील प्लॉट नं. 20, शताब्दीनगर येथे राहणारी फिर्यादी रक्षंदा बबनराव नारनवरे (21) ही बुधवारी दुपारी बाराच्या सुमारास घरी एकटीच असताना आरोपी किशोरसिंग बैस, राजू साळवे, मनीष, बिल्डर
विजय बागडे, बिल्डर श्रीकृष्ण यादव यांच्यासह 7 ते 8 अनोळखी आरोपी घरी आले. त्यांनी घर खाली करण्यासाठी कुटुंबीयांवर दबाव आणला. यावेळी आरोपींनी फिर्यादीची रक्षंदाची बहीण लक्ष्मी नारनवरे हिला हातबुक्कीने मारहाण करून तिच्या घरावरील कवेलूच्या छताची तोडफोड केली आणि तिच्या घराशेजारी राहणाऱ्या संगीता उपाध्याय यांच्या खाली प्लॉटवरील टिनाचे कम्पाउंड जेसीबीच्या साहाय्याने तोडफोड करून नुकसान केले. त्यानंतर आरोपींनी रक्षंदाच्या घरातील दोन आलमारी, पलंग, माठ, वापरण्याचे कपडे, चांदीचे दागिने व रोख रक्कम असे एकूण 26 हजार 350 रुपयांचे सामान जबरीने ट्रकमध्ये टाकून घेऊन गेले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com