बुलडाणा : बियाणे बोगस निघण्याची धास्‍ती

खामगाव : मागील वर्षी कापसाला मिळालेला ‎ चांगला दर, कांदा, ऊस‎ उत्पादकाची झालेली अवस्था‎ पाहता, या वर्षी कपाशीचे क्षेत्र‎ वाढणार असल्याचा अंदाज आहे.‎ त्या पार्श्वभूमीवर मागणी असलेल्या ‎ ‎ कपाशीच्या बोगस बियाण्याची‎ विक्री होण्याची शेतकऱ्यांनी धास्ती ‎ घेतली आहे.‎ शेतकऱ्यांनी बियाणे खरेदी‎ करताना काळजी घेण्याबाबत कृषी ‎ ‎ विभागाने सल्ला दिला आहे.‎

जिल्ह्यात गतवर्षी काही ठिकाणी बोगस खते आणि ‎ ‎ बियाण्यांच्या विक्रीवर झालेल्या कारवाईमुळे आपण घेतलेले बियाणे‎ व खते बोगस तर नाही, असा प्रश्न‎ तालुक्यातील शेतकऱ्यांना पडला‎ आहे. कापसाला गतवर्षी चांगला दर‎ मिळाला. कांद्याचे क्षेत्र वाढले. गत‎ वर्षी खरीप व रब्बी हंगामातही‎ कांद्याची दुप्पट लागवड झाली. मात्र‎ दर नसल्याने कांदा उत्पादक हतबल‎ झाला. कांदा उत्पादकांचा उत्पादन‎ खर्चही निघाला नाही. त्याचा‎ ‎ परिणाम या वर्षी खरीप हंगामावर‎ होणार असून साधारणपणे कापूस,‎ सोयाबीन, तुरीचे क्षेत्र वाढू शकते,‎ असा अंदाज शेतकरी व कृषी‎ विभागाकडून वर्तवला जात आहे.‎

कापसाचे क्षेत्र वाढणार असल्याचा‎ अंदाज बांधून कृषी विभागाने‎ बियाण्यांची मागणी केली आहे‎ आहे. कापसाच्या बियाण्याला‎ होणारी अधिक मागणी पाहता‎ ‎ मागील वर्षी अधिक उत्पादन‎ देणाऱ्या काही ठराविक वाणाच्या‎ बियाण्यांची बोगस विक्री होण्याची‎ शक्यता असल्याने शेतकऱ्यांनी‎ धास्ती घेतली आहे. शेतकऱ्यांनी‎ बियाणे खरेदी करण्यापुर्वी काळजी‎ घ्यावी. शेतकऱ्यांनी मान्यता प्राप्त‎ बियाणे विक्रेत्यांकडून बियाणे खरेदी‎ करावी, पक्के बील, त्यावर‎ खरेदीदार व विक्रेत्याची सही‎ असावी, बियाणे सीलबंद‎ पाकिटातील असावे, लागवडीसाठी‎ घेतलेले बियाणे लागवड‎ केल्यानंतरही थोडे बियाणे हंगाम‎ संपेपर्यंत शिल्लक ठेवावे, सातबारा‎ नावे असलेल्या शेतकऱ्याच्या‎ नावेच बियाणे खरेदी करावी, असे‎ आवाहन जिल्हा परिषदेच्या कृषी‎ विभागाचे कृषी विकास अधिकारी‎ यांनी केले आहे.‎

बियाणे खरेदी‎ करण्यापूर्वी काळजी घ्यावी

लागवड केल्यानंतर थोडे‎ बियाणे शिल्लक ठेवा‎ शेतकऱ्यांनी बियाणे खरेदी‎ करण्यापूर्वी काळजी घ्यावी. मान्यता‎ प्राप्त बियाणे विक्रेत्यांकडून बियाणे‎ खरेदी करावी. पक्के बील, त्यावर‎ खरेदीदार व विक्रेत्याची सही‎ असावी. बियाणे सीलबंद‎ पाकिटातील असावे. लागवडीसाठी‎ घेतलेले बियाणे लागवड‎ केल्यानंतरही थोडे बियाणे हंगाम‎ संपेपर्यंत शिल्लक ठेवावे. सातबारा‎ नावे असलेल्या शेतकऱ्याच्या‎ नावेच बियाणे खरेदी करावी, असे‎ आवाहन कृषी विभागाने केले आहे.‎

कृषी विभागाकडून वॉच;‎ शेतकऱ्यांनी करावी तक्रार‎

या संदर्भात सर्व क्षेत्रीय अधिकारी‎ आणि कृषी सहाय्यक यांचे पथक‎ तयार करण्यात आले आहे.‎ जेवढ्या तक्रार आल्यात, त्यांची‎ चौकशी सुरू आहे. कृषी केंद्र‎ चालकांवर कृषी विभागाकडून वॉच‎ ठेवण्यात आला आहे. बोगस खते,‎ बोगस बियाण्यांची आणि चढ्या‎ दराने जर कृषी केंद्र चालक विक्री‎ करीत असेल, तर शेतकऱ्यांनी‎ आमच्याकडे तक्रार दाखल करावी.‎ असे आवाहन तालुका कृषी‎ अधिकारी यांनी केले आहे.