"केम'च्या व्यवस्थापकाला अटक

File photo
File photo

अमरावती : समन्वयित कृषिविकास प्रकल्पांतर्गत (केम) 6 कोटी 12 लाख रुपयांच्या खरेदी अपहार प्रकरणात अमरावती येथील जिल्हा प्रकल्प व्यवस्थापक स्वप्नील पळसकर याला आर्थिक गुन्हे शाखेच्या पोलिसांनी मंगळवारी (ता. 13) रात्री अटक केली. आज, बुधवारी पळसकरला तपास अधिकाऱ्यांनी जिल्हा न्यायालयासमोर हजर केले असता, न्यायालयाने त्याला शुक्रवारपर्यंत (ता. 16) पोलिस कोठडीत ठेवण्याचे आदेश दिले.
केम प्रकल्प अमरावती विभागातील पाच जिल्ह्यांसह वर्धा जिल्ह्यातसुद्धा राबविला होता. जिल्हानिहाय त्याचे कार्यालय होते. त्यामुळे येत्या काही दिवसांमध्ये जिल्हास्तरावरील अन्य अधिकाऱ्यांवरसुद्धा अटकेची कारवाई होऊ शकते. अमरावती येथील गणेश चौधरी गुरुवारी (ता. आठ) पहिल्यांदाच आर्थिक गुन्हे शाखेच्या अधिकाऱ्यांपुढे चौकशीसाठी हजर झाला. त्याच्या अटकपूर्व अंतरीम जामिनावर मुंबई उच्च न्यायालयाच्या नागपूर खंडपीठात सुनावणी सुरू आहे. गुरुवार (ता. आठ) ते शनिवार (ता. 10) असे सतत तीन दिवस तपासयंत्रणेपुढे बयाण नोंदविण्यास तो उपस्थित झाला. त्याने या व्यवहारातील खरेदी फक्त दोन कोटी 9 लाख रुपयांची असल्याचे तपास अधिकाऱ्यांपुढे सांगितले होते. त्यामुळे या अपहारप्रकरणात चौकशी जसजशी पुढे जाईल तसतसे नवनवीन तथ्य पुढे येऊ शकतात.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com