अंकुर कंपनीविरोधात पोलिसांत तक्रार

file photo
file photo

चिमूर (जि. चंद्रपूर) : अंकुर कंपनीच्या प्रभाकर या सोयाबीन वाणाची तालुक्‍यातील अनेक शेतकऱ्यांनी पेरणी केली. मात्र, हे वाण उगवले नाही. त्यामुळे शेतकऱ्यांवर दुबार पेरणीची वेळ आली आहे. शेतकऱ्यांची फसवणूक केल्याप्रकरणी अंकुर कंपनीविरोधात शेगाव पोलिस ठाण्यात तक्रार दाखल करण्यात आली. या प्रकरणानंतरही कृषी विभागाने दुर्लक्ष केल्याने संताप व्यक्त केला जात आहे.
मनसे उपजिल्हाप्रमुख प्रशांत कोल्हे यांच्या नेतृत्वातील शिष्टमंडळाने उपविभागीय अधिकारी, तालुका कृषी अधिकाऱ्यांकडे शेतकऱ्यांची फसवणूक केल्याप्रकरणी अंकुर कंपनीविरोधात कारवाई करण्याची मागणी केली होती. त्यानंतर कृषी विभागाकडून तालुक्‍यातील 29 शेतकऱ्यांच्या शेतात चौकशी केली. केवळ चौकशीचा फार्स करणाऱ्या कृषी विभागाविरोधात शेतकऱ्यांमद्ये संताप व्यक्त केला जात आहे.
कृषीकेंद्र संचालकांकडून सावरासावर
उगवण क्षमता नसलेल्या अंकुर कंपनीच्या प्रभाकर वाणाच्या सोयाबीन बियाणांची कृषी केंद्र संचालकांनी मोठ्या प्रमाणात विक्री केली. मात्र, आता हे वाण उगवले नाही. कृषी केंद्र संचालकांकडून नवीन बियाणे देऊन सावरासावर केली जात आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com