मादक पदार्थ विक्रेता गजाआड

नागपूर : एमडी या मादक पदार्थाची तस्करी करण्याच्या प्रयत्नात गुन्हे शाखेच्या अमली पदार्थ विरोधी पथकाने अफजल ऊर्फ अरबाज ऊर्फ जासीम जहीनखान (32, रा. फ्रेण्ड्‌स कॉलनी) यास अटक केली. सोमवारी सकाळी 4 च्या सुमारास अफजल ऊर्फ अरबाज हा एमडी या मादक पदार्थाची डिलिव्हरी देण्यासाठी येणार असल्याची माहिती एका खबऱ्याने पोलिसांना दिली होती. त्यानुसार पोलिसांनी अखराज अपार्टमेंटसमोर सापळा रचला. घटनेच्या वेळी अफजल हा कारने घटनास्थळी येताच दबा धरून बसलेल्या पोलिसांनी त्याला पकडले. कारची झडती घेतली असता त्यात 30 हजाराची 10 ग्रॅम एमडी मिळून आली. पोलिसांनी कारसह 4 लाख 30 हजारांचा मुद्देमाल जप्त केला. याप्रकरणी गिट्टीखदान पोलिस ठाण्यात गुन्हा नोंदवून अफजलला अटक करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

मादक पदार्थ विक्रेता गजाआड

Related Stories