'पाचशे नागरिकांच्या उपस्थितीत कार्यक्रम घेण्याची परवानगी द्या'; कोरोनाच्या सावटातही अजब मागणी 

give permission to gathering of 500 people for program
give permission to gathering of 500 people for program

देसाईगंज (गडचिरोली) : देशात कोरोनाच्या पार्श्‍वभूमीवर निर्माण झालेल्या बिकट परिस्थितीमुळे येथील मंडप, डेकोरेशन, कॅटरर्स यांच्यावर उपासमारीची वेळ आली असल्याने यातून सावरण्यासाठी किमान पाचशे नागरिकांच्या उपस्थितीत कार्यक्रम घेण्याची परवानगी द्यावी, अशी मागणी देसाईगंज तालुका डेकोरेशन, कॅटरर्स संघटनेच्या वतीने राज्याचे मुख्यमंत्री उद्धव ठाकरे यांना देसाईगंजचे उपविभागीय अधिकारी विशाल मेश्राम यांच्यामार्फत दिलेल्या निवेदनातून करण्यात आली आहे.

या निवेदनात म्हटले आहे की, 22 मार्चच्या मध्यरात्रीपासून देशात सर्वत्र लॉकडाऊन करण्यात आल्यापासून मंडप, डेकोरेशन, कॅटरर्सचे काम ठप्प पडले आहे. गेल्या कित्येक वर्षांपासून याच व्यवसायाच्या माध्यमातून उदरनिर्वाह सुरू असुन दरम्यान कार्यक्रमाचे आयोजन बंद करण्यात आल्याने संबंधित व्यवसाय पूर्णत: ठप्प पडले आहेत. 

सामाजिक, वैवाहिक, धार्मिक व राजकीय कार्यक्रमांना स्थगिती देण्यात आल्याने रोजगाराच्या संधी हिरावल्या गेल्या असून या व्यवसायाशी निगडीत हजारो कुटुंबांवर उपासमारीची वेळ आली आहे. जगण्याचा कोणताही आधार उरला नसल्याने अतिशय हलाखीचे जीवन जगावे लागत आहे. 

त्यामुळे आलेल्या बिकट स्थितीतून बाहेर काढण्यासाठी नियमांच्या अधिन राहून किमान पाचशे लोकांच्या उपस्थितीत कार्यक्रमाचे आयोजन करण्याची परवानगी देण्यात यावी, अशी मागणी संघटनेच्या वतीने राज्याचे मुख्यमंत्री उद्धव ठाकरे यांना देसाईगंजचे उपविभागीय अधिकारी विशाल मेश्राम यांच्या मार्फत दिलेल्या निवेदनातून करण्यात आली आहे. .

हे निवेदन उपविभागीय अधिकारी विशाल मेश्राम यांनी स्वीकारले असून यावेळी संघटनेचे अध्यक्ष रिजवान खानानी, उपाध्यक्ष तेजराम हरडे, सदस्य श्‍यामराव खुणे, युसूफ खान, भाऊराव ठाकरे, राजू माकोडे, मोहन माकोडे, शशिकांत चिटमलवार, युवराज पंचभाई, भीमराव सुखदेवे, लव्हाजी दुनेदार, शंकरराव मैंद, नीलकंठ सहारे, फिरोज खान आदी पदाधिकारी प्रामुख्याने उपस्थित होते.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com