यवतमाळ : नुकत्याच पार पडलेल्या नगरपंचायत निवडणुकीत यवतमाळ जिल्ह्यातील सहाही नगर पंचायतीवर महाविकास आघाडीने वर्चस्व प्रस्थापित केलेले आहे. नगराध्यक्षपदाचे आरक्षण घोषित झाल्यानंतर सोमवारी (ता. ३१) काँग्रेस, राष्ट्रवादी, शिवसेना नेत्यांच्या उपस्थितीत संयुक्त बैठक विश्रामगृहात पार पडली. नगरपंचायत सत्तेसाठी महाविकास आघाडीची सत्ता स्थापन करण्यावर एकमत झाले. ज्यांची सदस्य संख्या जास्त त्यांच्या गळ्यात नगराध्यक्षपदाची माळ पडणार असे असले तरी अंतिम सूत्रे ठरविण्यासाठी पुन्हा बैठक होण्याची चिन्हे आहेत.
महाविकास आघाडीच्या (Mahavikas aaghadi) राज्यस्तरीय समन्वयक समितीने दिलेल्या आदेशावरून तिन्ही पक्षांनी एकत्रित येऊन नगरपंचायतीत सत्ता स्थापन करण्यासाठी बैठक घेतली. अतिशय प्रतिष्ठेच्या व पक्षाची ताकद दाखविण्यासाठी राजकीय पक्षांनी नगरपंचायतींची निवडणूक स्वतंत्ररीत्या लढली. राज्याच्या सत्तेत सहभागी मित्रपक्षांनीही स्वतंत्र लढून आपली ताकद दाखवून दिली.
सर्वाधिक उमेदवार निवडून आणून काँग्रेस (Congress) क्रमांक एकचा पक्ष, तर शिवसेना क्रमांक दोनचा पक्ष ठरला. महागाव, कळंब, बाभूळगाव, राळेगाव, झरी जामणी व मारेगाव या नगरपंचायतीत कोणत्या पक्षाचा नगराध्यक्ष होणार याकडे लक्ष लागले होते. राळेगावमध्ये काँग्रेसने एकहात्ती सत्ता मिळविली आहे. कोणत्याही परिस्थितीत भारतीय जनता पक्षाला सत्तेपासून दूर ठेवण्यासाठी महाविकास आघाडीने कंबर कसली आहे. वरिष्ठ पातळीवरूनही तशाच प्रकारचे निर्देश देण्यात आले आहे. नगरपंचायतीत सत्ता स्थापन करण्यासाठी तिन्ही पक्षाचे नेत्यांनी एकत्र येऊन विचारमंथन केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.