Congress : वीज चोरी प्रकरणी काँग्रेसच्या बड्या नेत्याला महावितरणचा दणका; ठोठावला १० लाखांचा दंड

बुलढाणा जिल्ह्यात एका बड्या काँग्रेस नेत्या वीज चोरी केल्याचा प्रकार प्रकार समोर आला आहे. जिल्ह्यातील मलाकपूर येथे एका काँग्रेस नेत्याला वीज चोरी केल्याप्रकरणात तब्बल १० लाखांचा दंड ठोठावण्यात आला आहे. या प्रकरणात मागील सव्वा दोन वर्षांपासून वीज चोरी सुरू होती अशी माहिती समोर आली आहे.

बुलढाणा जिल्ह्यातील भरारी पथकाने केलेले कारवाईत ६० हजार ९७८ युनिट विजेची चोरी झाल्याचा प्रकार उघड झाल्यानंतर काँग्रेसच्या नेत्यास तब्बल १० लाख ४७ हजार ९२२ रुपयांचा दंड ठोठावण्यात आला आहे. साम टीव्हीने याबद्दलचे वृत्त दिले आहे.

मिळालेल्या माहितीनुसार, मलकापूर येथील एका बड्या काँग्रेस नेत्याकडून आपल्या रुग्णालयात आणि घरात वीज चोरी केली जात होती. दरम्यान बुलढाणा विद्युत भरारी पथकाने या काँग्रेस नेत्याच्या घर आणि रुग्णालयातील विद्युत मिटरची तपासणी केली यामध्ये मिटरमध्ये छेडछाड केल्याचे समोर आले. या माध्यामातून तब्बल सव्वा दोन वर्षांपासून वीज चोरी सुरू होती.या कारवाईत काँग्रेस नेत्याच्या घरात आणि रुग्णालयात लवलेले विद्युत मिटर जप्त करण्यात आले आहे.

या वीज चोरी करणाऱ्या काँग्रेस नेत्याने तीन टर्म मलकापूर विधानसभेमध्ये निवडणूक सुद्धा लढवलेली आहे. एकदा अपक्ष तर दोनदा काँग्रेस पक्षाच्या उमेदवारीवर त्यांनी निवडणूक लढवलेली आहे. तसेच निवडणूक लागण्याच्या अगोदर मलकापूर कृषी उत्पन्न बाजार समितीत ते मुख्य प्रशासक म्हणून कारभार पाहत होते.